Qostanaida Qazaqstannyń Balalar Kýbogy-2026dyń 3-kezeńi – A. G. Ýfimtsev memorialy bastaldy. Týrnir 11 dúrkin Qazaq KSR chempiony, KSRO sport sheberi Anatolii Gavrilovich Ýfimtsevtiń esimine arnalǵan. Ol shahmat teoriiasyna «Pirts – Ýfimtsev qorǵanysy» atty debiýttiń avtory retinde engen, dep habarlaidy ult.kz.
30 mamyr men 5 maýsym aralyǵynda 6-dan 14 jasqa deiingi 285 jas shahmatshy júlde úshin talasady.
Qatysýshylar 9 týrdan turatyn shveitsariialyq júiemen jarysady. Ýaqyt baqylaýy — 60+30 (partiiaǵa 60 minýt + ár qadamǵa 30 sekýnd qosymsha).
Týrnir A (U-14)
134 shahmatshy (2012 jylǵy jáne odan kishi) qatysýda. Reitingtik favoritter:
• Elsýltan Qaliahmet (1999, Almaty)
• Nuras Amangeldi (1925, Mańǵystaý oblysy)
• Iman Nabiev (1902, Qostanai oblysy)
Sondai-aq jeńis úshin kúreskenderdiń qatarynda 1-kezeńniń kúmis júldegeri Danial Sátekov (1866, Almaty) jáne 2-kezeńniń qola júldegeri Amanbek Ótetileý (1824, Aqtóbe oblysy) bar. Barlyq favoritter 1-týrda óz partiialaryn jeńispen aiaqtady.
Týrnir B (U-10)
151 jas shahmatshy (2016 jylǵy jáne odan kishi) qatysýda. Erekshe kózge túsip turǵandar:
• Muhammedǵali Ábdiqaiym (1791, Astana)
• Qazaqstan chempionaty-2026 qola júldegeri (U-10) Altaiyr Omurzaqov (1783, Astana)
• Aldyńǵy eki kezeńniń jeńimpazy Áli Atnash (1777, Atyraý oblysy)
• Arystan Murat (1753, Abai oblysy)
• 2-kezeńniń kúmis júldegeri Aleksandr Smelov (1628, Pavlodar oblysy)
Bul týrnirde de favoritter birinshi týrda sátsizdikke ushyraǵan joq.
Qazaqstan shahmat federatsiiasy (QShF) tórtinshi jyl qatarynan eresekter arasyndaǵy KazChess Kýbogymen qatar Balalar Kýbogyn da uiymdastyryp keledi. 2026 jyly ol 6 kezeńnen jáne Astanada 1-13 jeltoqsan aralyǵynda ótetin Finaldan turady.
