Qostanai oblysynda otbasylyq demalys qaiǵyly jaǵdaimen aiaqtaldy. Tobyl ózeninde er adam men onyń kámeletke tolmaǵan qyzy sýǵa batyp, qaza tapty, dep habarlaidy ult.kz.
Oqiǵa 13 tamyzda Qostanai aýdanyna qarasty Nechaevka aýylynyń mańynda bolǵan. Óńirlik TJD málimetinshe, er adam bes balasymen birge ózen jaǵasyna baryp, shomylýǵa arnalmaǵan aýmaqta sýǵa túsken.
Shomylý kezinde eki qyzdyń sýǵa bata bastaǵany belgili boldy. Olardyń bireýi ózdiginen jaǵaǵa shyǵyp úlgergen. Al ekinshi qyz sýda qalyp qoiǵan.
Qyzyn qutqarýǵa umtylǵan ákesi júze almaǵan. Soǵan qaramastan ol balasyna kómektesýge áreket jasaǵan. Alaida qatty aǵys saldarynan ákesi men qyzy ekeýi de sýǵa batyp ketken.
Qutqarýshylar izdeý jumystaryn júrgizip, 13 tamyz kúni keshke qyzdyń denesin tapty. Al er adamnyń denesi kelesi kúni tabyldy. Izdeý jumystaryna qutqarýshylarmen qatar politsiia qyzmetkerleri, eriktiler men jergilikti turǵyndar da qatysty.
TJD málimetinshe, eki kún ishinde jaǵalaýdyń shamamen 2,5 sharshy shaqyrymy tekserilip, dron arqyly 12 gektardan astam aýmaq zerttelgen. Súńgýirler ózen túbiniń shamamen 39 myń sharshy metrin qaraǵan.
