قوستاناي وبلىسىندا وتباسىلىق دەمالىس قايعىلى جاعدايمەن اياقتالدى. توبىل ٶزەنٸندە ەر ادام مەن ونىڭ كەمەلەتكە تولماعان قىزى سۋعا باتىپ, قازا تاپتى, دەپ حابارلايدى ult.kz.
وقيعا 13 تامىزدا قوستاناي اۋدانىنا قاراستى نەچاەۆكا اۋىلىنىڭ ماڭىندا بولعان. ٶڭٸرلٸك تجد مەلٸمەتٸنشە, ەر ادام بەس بالاسىمەن بٸرگە ٶزەن جاعاسىنا بارىپ, شومىلۋعا ارنالماعان اۋماقتا سۋعا تٷسكەن.
شومىلۋ كەزٸندە ەكٸ قىزدىڭ سۋعا باتا باستاعانى بەلگٸلٸ بولدى. ولاردىڭ بٸرەۋٸ ٶزدٸگٸنەن جاعاعا شىعىپ ٷلگەرگەن. ال ەكٸنشٸ قىز سۋدا قالىپ قويعان.
قىزىن قۇتقارۋعا ۇمتىلعان ەكەسٸ جٷزە الماعان. سوعان قاراماستان ول بالاسىنا كٶمەكتەسۋگە ەرەكەت جاساعان. الايدا قاتتى اعىس سالدارىنان ەكەسٸ مەن قىزى ەكەۋٸ دە سۋعا باتىپ كەتكەن.
قۇتقارۋشىلار ٸزدەۋ جۇمىستارىن جٷرگٸزٸپ, 13 تامىز كٷنٸ كەشكە قىزدىڭ دەنەسٸن تاپتى. ال ەر ادامنىڭ دەنەسٸ كەلەسٸ كٷنٸ تابىلدى. ٸزدەۋ جۇمىستارىنا قۇتقارۋشىلارمەن قاتار پوليتسييا قىزمەتكەرلەرٸ, ەرٸكتٸلەر مەن جەرگٸلٸكتٸ تۇرعىندار دا قاتىستى.
تجد مەلٸمەتٸنشە, ەكٸ كٷن ٸشٸندە جاعالاۋدىڭ شامامەن 2,5 شارشى شاقىرىمى تەكسەرٸلٸپ, درون ارقىلى 12 گەكتاردان استام اۋماق زەرتتەلگەن. سٷڭگۋٸرلەر ٶزەن تٷبٸنٸڭ شامامەن 39 مىڭ شارشى مەترٸن قاراعان.
