Qostanai oblysynda 24 tonna etil spirtin zańsyz tasymaldaý áreketiniń joly kesildi. Bul týraly Bas prokýratýra habarlady, dep habarlaidy ult.kz.
Oblystyq prokýratýranyń úilestirýimen Qarabalyq aýdanyndaǵy "Qairaq" ótkizý pýnktinde Ekonomikalyq tergep-tekserý departamenti men Shekara qyzmetiniń mamandary iri kólemdegi aktsizdeletin ónimdi jalǵan qujattar arqyly elden shyǵarmaq bolǵan derekti anyqtaǵan.
Tekserý barysynda jeke tulǵanyń respýblikanyń ońtústik óńirlerinen litsenziiasyz jáne kásipkerlik sýbektisi retinde tirkelmesten etil spirtin tasymaldaǵany belgili boldy. Al salyq salý obektisin jasyrý maqsatynda ilespe qujattarda júk «alma sirke sýy» retinde kórsetilgen.
Sotqa deiingi tergep-tekserý nátijesinde kúdiktiniń áreketi Qylmystyq kodekstiń 224-babynyń 1-bóligi boiynsha saralandy. Iaǵni, kásipkerlik qyzmetti tirkeýsiz jáne mindetti litsenziiasyz júzege asyryp, aktsizdeletin taýarlardy eleýli mólsherde tasymaldaǵan.
Qarabalyq aýdandyq sotynyń 2026 jylǵy 4 maýsymdaǵy úkimimen sottalýshy kináli dep tanylyp, oǵan 200 ailyq eseptik kórsetkish kóleminde aiyppul salyndy. Sondai-aq memleket paidasyna 24 tonna etil spirti tárkilendi. Aiyppuldyń jalpy somasy 786 400 teńgeni qurady.
Sot úkimi zańdy kúshine endi.
