Qostanai qalalyq bilim bóliminiń basshysy Gúlsim Orazbaeva ustaldy. Prokýratýra taratqan resmi málimetterge sáikes, laýazymdy tulǵa iri kólemdegi alaiaqtyq jasady degen kúdikke ilinip otyr. Qazirgi ýaqytta bul is boiynsha negizgi tergeý amaldaryn QR Ulttyq qaýipsizdik komitetiniń (UQK) qyzmetkerleri júrgizýde, dep habarlaidy ult.kz. Qaz365.kz portalyna silteme jasap.
Tergeý nusqasy boiynsha, bilim bóliminiń laýazymdy tulǵalary basqa da sybailas qatysýshylarmen aldyn ala sóz bailasyp, qala mektepterine maqsatty túrde bólingen biýdjet qarajatyn jymqyrǵan bolýy múmkin. Qylmystyq is aiasynda kúdiktilerdiń jumys oryndary men turǵylyqty úilerinde shuǵyl tintý sharalary júrgizildi. Tintý amaldary ótken kúni bilim bóliminiń basshysy resmi túrde tutqyndaldy.
Aita keteiik, Gúlsim Orazbaeva uzaq jyldar boiy bilim berý salasynda qyzmet etip kele jatqan tájiribeli maman. Ol eńbek jolyn qarapaiym mektep muǵalimi bolyp bastap, keiinnen qalalyq bilim bólimine jumysqa aýysqan, al sońǵy jyldary atalǵan mekemeniń birinshi jetekshisi laýazymyn atqaryp keldi.
