قوستاناي قالالىق بٸلٸم بٶلٸمٸنٸڭ باسشىسى گٷلسٸم ورازباەۆا ۇستالدى. پروكۋراتۋرا تاراتقان رەسمي مەلٸمەتتەرگە سەيكەس, لاۋازىمدى تۇلعا ٸرٸ كٶلەمدەگٸ الاياقتىق جاسادى دەگەن كٷدٸككە ٸلٸنٸپ وتىر. قازٸرگٸ ۋاقىتتا بۇل ٸس بويىنشا نەگٸزگٸ تەرگەۋ امالدارىن قر ۇلتتىق قاۋٸپسٸزدٸك كوميتەتٸنٸڭ (ۇقك) قىزمەتكەرلەرٸ جٷرگٸزۋدە, دەپ حابارلايدى ult.kz. Qaz365.kz پورتالىنا سٸلتەمە جاساپ.
تەرگەۋ نۇسقاسى بويىنشا, بٸلٸم بٶلٸمٸنٸڭ لاۋازىمدى تۇلعالارى باسقا دا سىبايلاس قاتىسۋشىلارمەن الدىن الا سٶز بايلاسىپ, قالا مەكتەپتەرٸنە ماقساتتى تٷردە بٶلٸنگەن بيۋدجەت قاراجاتىن جىمقىرعان بولۋى مٷمكٸن. قىلمىستىق ٸس اياسىندا كٷدٸكتٸلەردٸڭ جۇمىس ورىندارى مەن تۇرعىلىقتى ٷيلەرٸندە شۇعىل تٸنتۋ شارالارى جٷرگٸزٸلدٸ. تٸنتۋ امالدارى ٶتكەن كٷنٸ بٸلٸم بٶلٸمٸنٸڭ باسشىسى رەسمي تٷردە تۇتقىندالدى.
ايتا كەتەيٸك, گٷلسٸم ورازباەۆا ۇزاق جىلدار بويى بٸلٸم بەرۋ سالاسىندا قىزمەت ەتٸپ كەلە جاتقان تەجٸريبەلٸ مامان. ول ەڭبەك جولىن قاراپايىم مەكتەپ مۇعالٸمٸ بولىپ باستاپ, كەيٸننەن قالالىق بٸلٸم بٶلٸمٸنە جۇمىسقا اۋىسقان, ال سوڭعى جىلدارى اتالعان مەكەمەنٸڭ بٸرٸنشٸ جەتەكشٸسٸ لاۋازىمىن اتقارىپ كەلدٸ.
