Aqmola oblysyndaǵy Qosshy qalasynda 10 jastaǵy balanyń sýǵa batyp ketýine bailanysty qaiǵyly oqiǵa tirkeldi, dep habarlaidy ult.kz.
Málimetke sáikes, oqiǵa Nura–Esil kanalynda, shomylýǵa arnalmaǵan aýmaqta bolǵan. Bala sýǵa túsip, kóz jumǵan. Onyń denesin jedel-qutqarý jasaǵynyń qyzmetkerleri sýdan alyp shyqty.
Osyǵan bailanysty Tótenshe jaǵdailar departamenti azamattardy qaýipsizdik talaptaryn qatań saqtaýǵa shaqyrdy.
Al Zerendi aýdanynda qutqarýshylardyń jedel áreketiniń arqasynda taǵy bir qaiǵyly jaǵdaidyń aldyn alý múmkin boldy. Izdestirý jumystary barysynda esepte turǵan bala der kezinde tabylyp, aman-esen jaqyndaryna tapsyrylǵan.
TJD mamandary jaz mezgilinde balalardyń qaýipsizdigine erekshe kóńil bólý qajettigin atap ótti. Qutqarýshylar ata-analarǵa balalardy sý aidyndarynyń mańynda qaraýsyz qaldyrmaýdy, sondai-aq tek arnaiy jabdyqtalǵan jáne ruqsat etilgen oryndarda ǵana shomylýdy qatań eskertti.
