Úndistannyń Ýttar-Pradesh shtatynda 12 jastaǵy bala qoltyraýynnyń shabýylynan qaza tapty. Qaiǵyly oqiǵa Bahraich aýdanyndaǵy Ghaghara ózeniniń jaǵasynda bolǵan, dep habarlaidy ult.kz.
Aldyn ala málimet boiynsha, bala aǵasymen birge egistik alqabynda jumys istep, keiin ózenge qoly men aiaǵyn jýý úshin barǵan. Sol sátte sýdan shyqqan qoltyraýyn ony aiaq astynan ustap alyp, ózenniń ishine súirep áketken. Balany qutqarýǵa týystary men aýyl turǵyndary barynsha árekettengenimen, jyrtqyshtyń kúshi basym bolǵan.
Kýágerlerdiń aitýynsha, balanyń aǵasy qoltyraýynmen birneshe minýt boiy arpalysyp, ony bosatyp alýǵa tyrysqan. Alaida áreket nátije bermegen. Keiin turǵyndar men qutqarýshylar birneshe saǵat boiy izdeý jumystaryn júrgizip, balanyń máiitin ózennen tapqan.
Oqiǵadan keiin jergilikti politsiia men orman sharýashylyǵy qyzmeti tergeý jumystaryn bastap, turǵyndarǵa qoltyraýyndar jii kezdesetin ózen mańynda erekshe saq bolýdy eskertti. Bilik marqumnyń otbasyna ótemaqy tólenetinin málimdedi.
