Jetisý oblysynyń politsiiasy Taldyqorǵanda zańsyz medreseler jumys istep jatqany týraly áleýmettik jelide taraǵan aqparatty tekserip jatyr, dep habarlaidy ult.kz.
Egov.press Telegram arnasynyń habarlaýynsha, qala aýmaǵynda qaiyrymdylyq uiymdarynyń atyn jamylyp, zań talaptaryna sai ruqsatsyz dini bilim berýmen ainalysatyn mekemeler bolýy múmkin.
Aqparat avtorlarynyń málimetinshe, atalǵan uiymdar balalar men jastarǵa tiisti litsenziiasyz ári Qazaqstan musylmandary dini basqarmasy júiesinen tys dini bilim beredi degen kúdik bar.
Osyǵan bailanysty Jetisý oblystyq politsiia departamenti tekserý jumystaryn bastaǵanyn málimdedi.
«Qazirgi ýaqytta politsiia qyzmetkerleri ýákiletti memlekettik organdarmen birlesip tiisti tekserý is-sharalaryn júrgizip jatyr», – dep habarlady vedomstvo.
Tekserý nátijesi boiynsha quqyqtyq baǵa berilip, tiisti sheshim qabyldanady.
