Qarjylyq monitoring agenttigi Ózbekstan azamaty, 2000 jylǵy 19 aqpanda týǵan, «Maha.dxb» laqap atymen tanymal Mahmýd Ýmidovich Hikmatovqa halyqaralyq izdeý jariialady, dep habarlaidy ult.kz.
Sot kúdiktini qamaýda ustaýǵa sanktsiia bergen.
QMA málimetinshe, Hikmatov «SultanGames», «PINCO», «Nomadcasino», «Pin-Up», «Vavada» jáne basqa da zańsyz internet-kazinolardy jarnamalap, nasihattaýǵa qatysy bar degen kúdikke ilingen.
Agenttik Qazaqstan aýmaǵynda internet-kazinolardyń zańsyz jumys isteýine jaǵdai jasaityn júie qurylǵanyn anyqtaǵan. Onyń aiasynda internet-kazino interfeisteri usynylyp, aqsha qabyldaý jáne tólem jasaý uiymdastyrylǵan. Bul úshin ekvairing, mobildi tólemder men kriptovaliýta qoldanylǵan.
Sonymen qatar internet-kazinolarǵa jańa oiynshylar tartý úshin áleýmettik jelilerde jarnama taratylǵan.
Tergeý málimetinshe, uiymdastyrýshylar zańsyz oiynhanalardy jarnamalaý úshin Hikmatovty tartqan. Oǵan Qazaqstanda jumys isteitin infliýenserlerdi taýyp, olar arqyly jarnamalyq materialdardy jariialatý tapsyrylǵan.
Hikmatov blogerlerden olardyń áleýmettik jelidegi paraqshalarynyń statistikasyn, onyń ishinde jazylýshylarynyń demografiialyq jáne geografiialyq kórsetkishterin, sondai-aq jariialanymdardyń qamtý aýditoriiasy týraly aqparatty suratqan. Jarnama aqysy osy kórsetkishterge qarai belgilengen.
QMA málimetinshe, ol 35-ten astam blogerdi jarnamaǵa tartqan. Olardyń qatarynda bloger Qamza Q. da bolǵan. Ol internet-kazinolarǵa aparatyn referaldyq siltemelerdi jariialap, paidalanýshylardy tyiym salynǵan qumar oiyndarǵa tartqany jáne árbir siltemege ótý úshin syiaqy alǵany anyqtalǵan.
Eske salaiyq, Qamza Q. 6 tamyzda Vetnamnan Qazaqstanǵa ekstraditsiialanǵan.
QMA izdeýdegi Hikmatovtyń júrgen jeri týraly aqparat biletin azamattardy agenttikke habarlasýǵa shaqyrdy.
Kezekshi bólim: +7 7172 70 84 78
Call-center: 1458
Agenttik aqparat bergen adamnyń aty-jóni qupiia saqtalatynyna jáne syiaqy tólenetinine kepildik beredi.
