Qazaqstanda Nomad Poker atty iri onlain-kazinonyń zańsyz qyzmeti toqtatyldy. Bul týraly Qarjylyq monitoring agenttigi (QMA) habarlady, dep habarlaidy ult.kz.
Tergeý málimetinshe, Club GG Poker mobildi platformasy negizinde jumys istegen onlain-kazinony Grýziia aýmaǵynda júrgen Qazaqstan azamattary uiymdastyryp, úilestirip otyrǵan.
QMA málimetine sáikes, mundai shema uiymdastyrýshylardyń jeke basyn jasyrýǵa, qarjy aǵyndaryn baqylaýdy qiyndatýǵa jáne zańsyz qyzmetke shetel azamattarynyń atyna rásimdelgen bank shottary men bailanys quraldaryn paidalanýǵa múmkindik bergen.
Zańsyz oiyn platformasy táýlik boiy jumys istep, paidalanýshylarǵa onlain-poker formatynda aqshalai bás tigýge jáne utysty sheship alýǵa jaǵdai jasaǵan.
Jańa oiynshylardy tartý úshin uiymdastyrýshylar áleýmettik jelilerdi, messendjerlerdi jáne túrli jarnama quraldaryn paidalanǵan. Sonyń nátijesinde zańsyz platformaǵa 20 myńnan astam adam tirkelgen.
Tergeý barysynda kúdiktiler qarjylyq operatsiialardy júrgizý úshin «dropperlerdiń» keń aýqymdy jelisin qurǵany anyqtaldy. Ol úshin shetel azamattarynyń Qazaqstanǵa kelýi uiymdastyrylyp, 400 AQSh dollaryna deiingi syiaqyǵa olardyń atyna bank kartalary rásimdelip, mobildi banking qyzmeti qosylǵan.
QMA dereginshe, zańsyz shema aiasynda 60-tan astam drop-shot paidalanylǵan. Aldyn ala esep boiynsha, oiynshylardan túsken qarajat kólemi 7,5 milliard teńgeni quraǵan.
Sot sanktsiiasymen Almaty qalasyndaǵy bir páterge, úsh avtokólikke jáne dropperlerdiń bank shottaryndaǵy 158 million teńge kólemindegi qarajatqa tyiym salyndy.
Qazirgi ýaqytta atalǵan is boiynsha sotqa deiingi tergeý jalǵasyp jatyr.
