Almaty politsiiasy «QI-Trade Kazakhstan» qarjylyq piramidasynyń eki direktoryn qolǵa túsirdi, dep habarlaidy "Ult aqparat".
Almaty qalalyq PD Tergeý basqarmasynyń habarlaýynsha, «QI-Trade Kazakhstan» JShS-niń 30 jastaǵy jáne 26 jastaǵy eki direktory ustalyp, QR Qylmystyq is júrgizý kodeksiniń 128-babyna sáikes ýaqytsha ustaý izoliatoryna qamaldy.
Olardyń áreketteri QR QK-niń 217-baby 3-bóligi boiynsha kvalifikatsiialanǵan.
«Bir kún buryn sot «qamaýǵa alý» túrindegi aldyn alý sharasyn sanktsiialady. Sonymen qatar, JShS-niń bas direktory 26 jastaǵy jigitke halyqaralyq izdeý salynǵanyn eske salamyz. Qazirgi ýaqytta onyń turǵan jeri men ustalýyn anyqtaýǵa baǵyttalǵan jedel-izdestirý is-sharalar kesheni júrgizilip jatyr. Kompaniianyń aǵymdaǵy shottaryna shekteýler qoiyldy. Tergeý áreketteri jábirlenýshiler men osy JShS-niń basqa qyzmetkerleriniń qatysýymen júrgizilip jatyr. Olardyń árqaisysynyń áreketterine sotqa deiingi tergeý organy zańdy baǵa beredi», – dedi Almaty qalalyq Politsiia departamenti bastyǵynyń orynbasary Rýstem Abdrahmanov.
