Meditsina qyzmetkerleri QazVac vaktsinasyn egý tártibimen jáne nusqaýlyqtarmen tanystyryldy. Bul týraly QR DSM Qoǵamdyq densaýlyq saqtaý ulttyq ortalyǵy basqarma tóraǵasynyń orynbasary Ainagúl Qýatbaeva málim etti, dep habarlaidy QazAqparat.
Ortalyq kommýnikatsiialar qyzmetindegi baspasóz máslihatynda QazVac vaktsinasyn egý qashan bastalatyndyǵy jáne ekpe Qazaqstannyń emhanalarynda qai kezde paida bolatyndyǵy suraldy.
«Meditsinalyq uiymdarǵa jetkizý jaǵdaiyna qarai 26 sáýirden bastaý josparlanyp otyr. Qazirgi kezde meditsina qyzmetkerlerin nusqaýlyqpen tanystyrý júrip jatyr. Iaǵni ekpeni salqyndatý rejimi, ony egý tártibi túsindirilip otyr», - dedi A. Qýatbaeva.
Óz kezeginde QR DSM Qoǵamdyq densaýlyq saqtaý ulttyq ortalyǵynyń «Sanitariialyq-epidemiologiialyq saraptama jáne monitoring ǵylymi- praktikalyq ortalyǵy» filialy direktorynyń orynbasary Manar Smaǵul qazirgi ýaqytta ministrlik óńirler boiynsha tiisti jumystady pysyqtaǵanyn atap ótti.
«Halyqtyń ornalasý tyǵyzdyǵyna bailanysty myńnan úsh myńǵa deiingi doza vaktsina taratylady. Iaǵni bul vaktsina barlyq óńirde bolýy kerek. Erteńnen bastap keibir óńirlerdiń meditsinalyq uiymdary osy vaktsinany alýy múmkin. Jalpy, dúisenbiden bastap vaktsina tiisti meditsinalyq uiymdarǵa taratylyp bolady», - dedi M. Smaǵul.
Budan buryn habarlanǵandai, jaqynda Qazaqstandyq QazVac vaktsinasynyń alǵashqy partiiasy jóneltildi.
QazVac vaktsinasynyń alǵashqy 50 myń dozasy «SQ-Farmatsiianyń» habtaryna taratylyp, odan ári elimizdiń barlyq óńirlerindegi densaýlyq saqtaý basqarmalarynyń qoimalaryna jetkiziletin bolady.
Mamyr aiynda 50 myń doza kólemindegi vaktsinanyń kezekti partiiasyn shyǵarý josparlanýda. Budan ári vaktsina óndirisi kezeń-kezeńmen aiyna 500-600 myń dozaǵa deiin ulǵaitylatyn bolady.
