Buǵan deiin Air Astana áýe kompaniiasynyń mamandaryn qazaqsha sóilemegeni úshin sotqa berip, jeńiske jetken túrik jýrnalisi Oǵyz Doǵan bul joly QAZKOM bankiniń qyzmetkerlerine ókpesi qara qazandai. Qazaqsha qyzmet kórsetýden bas tartqany óz aldyna, bank ǵimaratynan meni iterip shyǵaryp jiberdi degen ol endi QAZKOM-dy sotqa beremin dep otyr.
Oqiǵa 25 sáýir kúni banktiń Saryarqa kóshesindegi filialynda bolǵan deidi jýrnalist. Ol bólimshege baryp jeke shot ashtyrmaq bolypty. Alaida, bank qyzmetkeri qazaq tilinde qyzmet kórsetpegen. Oǵyz Doǵan bólimshe basshysyna shaǵym aitpaq bolǵanynda ózin Áliia dep tanystyrǵan áiel de qazaqsha jaýap bere almady.
