Áleýmettik jelilerde Almaty qalasyndaǵy túzeý mekemeleriniń birinde eki sottalǵannyń óz-ózine qol jumsaǵany týraly aqparat tarady, dep habarlaidy ult.kz.
Alaida Qylmystyq-atqarý júiesi komiteti (QAJK) bul málimettiń shyndyqqa janaspaitynyn málimdedi.
– Almaty qalasyndaǵy túzeý mekemelerinde eki sottalǵannyń óz-ózine qol jumsaǵany týraly tarap jatqan aqparat shyndyqqa sáikes kelmeidi, – dep habarlady komitettiń baspasóz qyzmeti.
Vedomstvonyń málimetinshe, Almatydaǵy qylmystyq-atqarý júiesi mekemeleri qalypty rejimde jumys istep tur, jaǵdai tolyq baqylaýda jáne turaqty.
Sondai-aq QAJK Qazaqstan Respýblikasynyń zańnamasyna sáikes kórineý jalǵan aqparat taratqany úshin jaýapkershilik qarastyrylǵanyn eske salyp, azamattardy tek resmi ári senimdi aqparat kózderine ǵana súienýge shaqyrdy.
Eske salaiyq, buǵan deiin Jambyl oblysynda probatsiia talaptaryn birneshe ret buzǵan eki azamattyń sot sheshimimen túzeý mekemesine jiberilgeni habarlanǵan edi.
