Qazaq halqynyń jerin, eldiń azattyǵy men táýelsizdigin qorǵap, qarapaiym halyqqa salynǵan aýyr alym-salyqqa qarsy kúresken tarihi batyrlar týraly asabanyń toi ústinde aitqan pikiri qoǵamda qyzý talqylandy, dep habarlaidy ult.kz.
Ol óz sózinde qazaq batyrlarynyń kúresin tek Islam dini úshin bolǵan soǵys retinde sipattaǵan. Alaida bul málimdeme áleýmettik jeli qoldanýshylarynyń narazylyǵyn týdyryp, kópshilik ony tarihi shyndyqty burmalady dep synǵa aldy.
Jeli qoldanýshylarynyń pikirinshe, qazaq batyrlarynyń erligi tek dini sebeptermen shektelmeidi. Olar týǵan jerdi qorǵaý, eldiń erkindigi men táýelsizdigin saqtaý, sondai-aq halyqqa kórsetilgen qysym men shekten tys salyqqa qarsy turý jolynda kúresken.
Osyǵan bailanysty áleýmettik jelilerde asabany Qazaqstan tarihyn burmalady, jalǵan aqparat taratty degen negizde zań aiasynda jaýapkershilikke tartýdy talap etken pikirler kóbeidi.
