«Kazakh Tourism» UK» AQ jyl saiyn ótkiziletin «Úzdik týristik aýyl» ulttyq baiqaýyn qorytyndylady, dep habarlaidy ult.kz.
Joba turaqty jáne ekologiialyq týrizmdi damytýǵa, sondai-aq tabiǵi, tarihi ári mádeni murasy erekshe aýyldyq aýmaqtardy ilgeriletýge baǵyttalǵan.
2026 jyldyń qorytyndysy boiynsha elimizdiń eń úzdik týristik aýyldarynyń qataryna kelesi eldi mekender endi:
- Basshi (Jetisý oblysy, Kerbulaq aýdany);
- Toraiǵyr (Pavlodar oblysy, Baianaýyl aýdany);
- Berel (Shyǵys Qazaqstan oblysy, Katonqaraǵai aýdany);
- Korobiha (Shyǵys Qazaqstan oblysy, Katonqaraǵai aýdany);
- Imantaý (Soltústik Qazaqstan oblysy, Aiyrtaý aýdany).
2025 jyly bul baiqaýda Lepsi (Jetisý oblysy), Naǵi Iliiasov (Qyzylorda oblysy), Han Ordasy (Batys Qazaqstan oblysy), Poperechnoe (Shyǵys Qazaqstan oblysy) jáne Shabanbai bi (Qaraǵandy oblysy) aýyldary jeńimpaz atanǵan bolatyn.
Aita ketsek, Qazaqstannyń aýyldyq týrizmi halyqaralyq deńgeide de joǵary baǵalanyp keledi. Mysaly, 2023 jyly Almaty oblysynyń Saty aýyly BUU Dúniejúzilik týristik uiymynyń bedeldi «Best Tourism Villages by UN Tourism» marapatyna ie bolyp, álemdegi eń úzdik týristik aýyldardyń qataryna kirdi.
