Qazaqstanǵa shetelden zańsyz ákelinbek bolǵan jalpy salmaǵy 107 tonna ónimniń tranzitine tosqaýyl qoiyldy, dep habarlaidy ult.kz.
Aýyl sharýashylyǵy ministrligi málimetinshe, tekserý kezinde Sheshen Respýblikasynan Túrkistan oblysy men Shymkentke jóneltilgen 88 tonna bidai kebeginiń veterinariialyq ilespe qujattary men tańbalaýy joq ekeni anyqtalǵan. Sonymen qatar ónimge qajetti termiialyq óńdeý júrgizilmegen.
Sondai-aq Belarýstiń Minsk oblysynan Tashkentke tranzitpen jóneltilgen 19 tonna súieksiz siyr eti men jartylai fabrikattar da talaptarǵa sai bolmaǵan.
Nátijesinde jalpy salmaǵy 107 tonna bolatyn barlyq ónim jóneltilgen oryndaryna keri qaitaryldy.
Ministrliktiń málimetinshe, jyl basynan beri «Syrym» ótkizý beketinde 230 zań buzýshylyq anyqtalǵan. Osyǵan bailanysty 230 kólik keri qaitarylyp, jalpy somasy 8,9 mln teńge bolatyn 100 ákimshilik hattama toltyrylǵan.
