Qazaqstanda etnosaralyq kelisimdi, qoǵamdaǵy turaqtylyq pen el birligin nyǵaitýǵa baǵyttalǵan memlekettik saiasat júieli túrde júzege asyrylyp keledi, dep habarlaidy ult.kz.
Memleket basshysy Qasym-Jomart Toqaev óz sózinde etnosaralyq kelisim men birliktiń memlekettik saiasattyń basty basymdyqtarynyń biri ekenin birneshe ret atap ótti. Bul baǵyttaǵy jumystyń negizinde ádildik pen barlyq azamatqa teń múmkindik qaǵidattary jatyr.
Muny 2026 jyldyń alǵashqy jartyjyldyǵynda júrgizilgen áleýmettik zertteý nátijeleri de aiǵaqtaidy. Qoldanbaly etnosaiasi zertteýler institýtynyń málimetinshe, azamattardyń 93,2 paiyzy eldegi etnosaralyq qarym-qatynasty turaqty dep baǵalaidy. Al respondentterdiń 72,5 paiyzy etnikalyq tegi boiynsha quqyqtarynyń buzylmaǵanyn aitqan.
Saýalnamaǵa qatysqandardyń 86,8 paiyzy etnosaralyq kelisimdi nyǵaitýǵa baǵyttalǵan memlekettik sharalarǵa oń baǵa bergen.
Biylǵy jyldyń alǵashqy alty aiynda respýblika boiynsha 5 myńnan astam is-shara ótkizilip, oǵan 140 myńnan astam adam qatysty. Bul jumystarǵa 800-ge jýyq sarapshy, jýrnalist, bloger jáne etnomádeni birlestikterdiń ókilderi jumyldyryldy.
Búginde Qazaqstanda 130-ǵa jýyq etnos ókili turady.
Elde 1 myńǵa jýyq etnomádeni birlestik pen 4 myńnan astam qoǵamdyq qurylym jumys isteidi.
Qoǵamdyq kelisimdi nyǵaitýda «Qoǵamdyq kelisim» KMM men Dostyq úileri mańyzdy ról atqarady. Qazir elimizdiń óńirlerinde 37 Dostyq úii jumys istep, qoǵamdyq dialogty damytýǵa, mádeni-aǵartýshylyq bastamalardy júzege asyrýǵa jáne etnomádeni birlestikterdiń, memlekettik organdar men azamattyq qoǵamnyń birlese jumys isteýine jaǵdai jasap keledi.
Etnomádeni birlestikterdiń ókilderi barlyq mańyzdy respýblikalyq bastamaǵa belsene qatysady. Sonyń ishinde «Taza Qazaqstan» respýblikalyq ekologiialyq aktsiiasyna jyl basynan beri 300 myńnan astam adam qosyldy.
Elimizde mediatsiia institýtyn damytýǵa da erekshe mán berilip keledi. Ár óńirde kásibi mediatorlardy, zańgerlerdi, pedagogterdi, psihologtardy, dintanýshylardy, jýrnalisterdi jáne qoǵam belsendilerin biriktiretin ortalyqtar men keńester jumys isteidi. Qazirgi tańda mediatorlar tiziliminde 432 maman tirkelgen.
