Elde azamattardy mazalaityn avtomatty qońyraýlarǵa qatysty jańa ózgerister ázirlenip jatyr, dep habarlaidy ult.kz. Bul týraly depýtat Ashat Aimaǵambetov aitty.
Málim bolǵandai, avtodozvon máselesi ministr deńgeiinde kóterilip, zańnamaǵa tiisti túzetýler engizý bastamasy usynylǵan. Nátijesinde qazirgi ýaqytta Bailanys qyzmetterin kórsetý qaǵidalaryna ózgerister daiyndalýda.
Jańa talapqa sáikes, endi abonentke qabyldanbaǵan qońyraýlar týraly habarlama tek SMS arqyly jiberiledi.
Sonymen qatar zań jobasy aiasynda ruqsat etilmegen trafikti generatsiialaýǵa tyiym salatyn arnaiy normalar da qarastyrylyp jatyr.
Bastama avtorlarynyń aitýynsha, bul ózgerister halyqty mazalaityn zańsyz ári spam sipatyndaǵy qońyraýlarǵa quqyqtyq turǵydan naqty tosqaýyl qoiýǵa baǵyttalǵan.
