Qazaqstandyq trevel-bloger Dastan Muhamedrahym Mońǵoliiadaǵy sapary kezinde AQSh prezidenti Donald Tramptyń úlken uly Donald Tramp-kishimen kezdesip, oǵan qazaqtyń ulttyq shapanyn tartý etti, dep habarlaidy ult.kz.
Bloger bul týraly áleýmettik jelidegi paraqshasynda bólisti. Onyń sózinshe, olar tabiǵat aiasynda úsh kún birge ýaqyt ótkizip, bir dastarhan basynda áńgimelesip, jaqynyraq tanysqan.
Kezdesý barysynda Tramp-kishi qazaqstandyq blogerdiń shyǵarmashylyǵyna qyzyǵýshylyq tanytyp, onyń áleýmettik jelidegi paraqshasyna jazylǵan. Osy sátti paidalanǵan Dastan Muhamedrahym oǵan qazaqtyń ulttyq kiimin kigizip, shapan syilaǵan.
Bloger tosyn kezdesýge qatysty ázilin de jasyrmady. Ol Tramptyń ulynyń ózi túsirgen videosyn atap, bul jaǵdaiǵa tańdanysyn bildirgen.
«Gollivýdta bolmaǵan nárse shyn ómirde bolyp jatyr. Meniń ózennen ótip jatqan videomdy Tramptyń balasy ózi túsirip tur desem, naizaǵai ma?» – dep jazdy ol.
Dastan Muhamedrahymnyń aitýynsha, mundai kezdesýlerdiń Qazaqstan úshin de mańyzy bar. Ol aldaǵy ýaqytta álemge tanymal tulǵalardy elge shaqyryp, Qazaqstannyń tabiǵaty men týristik múmkindikterin halyqaralyq aýditoriiaǵa tanytýdy josparlap otyrǵanyn jetkizdi.
