قازاقستاندىق ترەۆەل-بلوگەر داستان مۇحامەدراحىم موڭعوليياداعى ساپارى كەزٸندە اقش پرەزيدەنتٸ دونالد ترامپتىڭ ٷلكەن ۇلى دونالد ترامپ-كٸشٸمەن كەزدەسٸپ, وعان قازاقتىڭ ۇلتتىق شاپانىن تارتۋ ەتتٸ, دەپ حابارلايدى ult.kz.
بلوگەر بۇل تۋرالى ەلەۋمەتتٸك جەلٸدەگٸ پاراقشاسىندا بٶلٸستٸ. ونىڭ سٶزٸنشە, ولار تابيعات اياسىندا ٷش كٷن بٸرگە ۋاقىت ٶتكٸزٸپ, بٸر داستارحان باسىندا ەڭگٸمەلەسٸپ, جاقىنىراق تانىسقان.
كەزدەسۋ بارىسىندا ترامپ-كٸشٸ قازاقستاندىق بلوگەردٸڭ شىعارماشىلىعىنا قىزىعۋشىلىق تانىتىپ, ونىڭ ەلەۋمەتتٸك جەلٸدەگٸ پاراقشاسىنا جازىلعان. وسى سەتتٸ پايدالانعان داستان مۇحامەدراحىم وعان قازاقتىڭ ۇلتتىق كيٸمٸن كيگٸزٸپ, شاپان سىيلاعان.
بلوگەر توسىن كەزدەسۋگە قاتىستى ەزٸلٸن دە جاسىرمادى. ول ترامپتىڭ ۇلىنىڭ ٶزٸ تٷسٸرگەن ۆيدەوسىن اتاپ, بۇل جاعدايعا تاڭدانىسىن بٸلدٸرگەن.
«گولليۆۋدتا بولماعان نەرسە شىن ٶمٸردە بولىپ جاتىر. مەنٸڭ ٶزەننەن ٶتٸپ جاتقان ۆيدەومدى ترامپتىڭ بالاسى ٶزٸ تٷسٸرٸپ تۇر دەسەم, نايزاعاي ما?» – دەپ جازدى ول.
داستان مۇحامەدراحىمنىڭ ايتۋىنشا, مۇنداي كەزدەسۋلەردٸڭ قازاقستان ٷشٸن دە ماڭىزى بار. ول الداعى ۋاقىتتا ەلەمگە تانىمال تۇلعالاردى ەلگە شاقىرىپ, قازاقستاننىڭ تابيعاتى مەن تۋريستٸك مٷمكٸندٸكتەرٸن حالىقارالىق اۋديتوريياعا تانىتۋدى جوسپارلاپ وتىرعانىن جەتكٸزدٸ.
