Qazaqstandyq shahmatshy Bibisara Asaýbaeva Norway Chess Women 2026 halyqaralyq týrnirinde merziminen buryn jeńiske jetti, dep habarlaidy ult.kz.
25 mamyr men 5 maýsym aralyǵynda Norvegiia astanasy Osloda ótken jarysqa álemniń eń úzdik alty shahmatshysy qatysty. Týrnir Deichman Bjørvika mádeni ortalyǵynda uiymdastyryldy.
Qazaqstandyq sportshynyń qarsylastary qatarynda qazirgi álem chempiony Tsziýi Ventsziýn, álemdik reitingte ekinshi orynda turǵan Chjý Tsziner, úndistandyq tájiribeli shahmatshy Hampi Konerý, byltyrǵy týrnir jeńimpazy Anna Mýzychýk jáne álem kýbogynyń iegeri Divia Deshmýkh boldy.
Bul doda Bibisara Asaýbaeva úshin alǵashqy Norway Chess Women týrniri bolǵanyna qaramastan, ol qarsylastarynan basym túsip, jarys aiaqtalmai turyp chempiondyq ataqty qamtamasyz etti. Sonymen qatar qazaqstandyq shahmatshy týrnir tarihyndaǵy eń jas qatysýshy atandy.
Jarys eki ainalymdyq júie boiynsha ótti. Árbir qatysýshy qarsylastarymen eki retten kezdesti. Klassikalyq partiia teń aiaqtalǵan jaǵdaida jeńimpaz arnaiy «Armageddon» partiiasynda anyqtaldy.
Bibisara Asaýbaevanyń bul jeńisi qazaqstandyq shahmat úshin mańyzdy jetistik sanalady. Álemniń úzdik shahmatshylary baq synaǵan bedeldi týrnirde top jarýy onyń halyqaralyq arenadaǵy joǵary deńgeiin taǵy bir márte dáleldedi.
