قازاقستاندىق شاحماتشى بيبٸسارا اساۋباەۆا Norway Chess Women 2026 حالىقارالىق تۋرنيرٸندە مەرزٸمٸنەن بۇرىن جەڭٸسكە جەتتٸ, دەپ حابارلايدى ult.kz.
25 مامىر مەن 5 ماۋسىم ارالىعىندا نورۆەگييا استاناسى وسلودا ٶتكەن جارىسقا ەلەمنٸڭ ەڭ ٷزدٸك التى شاحماتشىسى قاتىستى. تۋرنير Deichman Bjørvika مەدەني ورتالىعىندا ۇيىمداستىرىلدى.
قازاقستاندىق سپورتشىنىڭ قارسىلاستارى قاتارىندا قازٸرگٸ ەلەم چەمپيونى تسزيۋي ۆەنتسزيۋن, ەلەمدٸك رەيتينگتە ەكٸنشٸ ورىندا تۇرعان چجۋ تسزينەر, ٷندٸستاندىق تەجٸريبەلٸ شاحماتشى حامپي كونەرۋ, بىلتىرعى تۋرنير جەڭٸمپازى اننا مۋزىچۋك جەنە ەلەم كۋبوگىنىڭ يەگەرٸ ديۆيا دەشمۋكح بولدى.
بۇل دودا بيبٸسارا اساۋباەۆا ٷشٸن العاشقى Norway Chess Women تۋرنيرٸ بولعانىنا قاراماستان, ول قارسىلاستارىنان باسىم تٷسٸپ, جارىس اياقتالماي تۇرىپ چەمپيوندىق اتاقتى قامتاماسىز ەتتٸ. سونىمەن قاتار قازاقستاندىق شاحماتشى تۋرنير تاريحىنداعى ەڭ جاس قاتىسۋشى اتاندى.
جارىس ەكٸ اينالىمدىق جٷيە بويىنشا ٶتتٸ. ەربٸر قاتىسۋشى قارسىلاستارىمەن ەكٸ رەتتەن كەزدەستٸ. كلاسسيكالىق پارتييا تەڭ اياقتالعان جاعدايدا جەڭٸمپاز ارنايى «ارماگەددون» پارتيياسىندا انىقتالدى.
بيبٸسارا اساۋباەۆانىڭ بۇل جەڭٸسٸ قازاقستاندىق شاحمات ٷشٸن ماڭىزدى جەتٸستٸك سانالادى. ەلەمنٸڭ ٷزدٸك شاحماتشىلارى باق سىناعان بەدەلدٸ تۋرنيردە توپ جارۋى ونىڭ حالىقارالىق ارەناداعى جوعارى دەڭگەيٸن تاعى بٸر مەرتە دەلەلدەدٸ.
