Qazaqstandyq ánshiler Aqerke Amaliat pen Jasmina Túzelova XXXV «Vitebskidegi Slavian bazary» halyqaralyq óner festivali aiasynda ótken án baiqaýlarynda júldeger atandy, dep habarlaidy ult.kz.
Aqerke Amaliat «Vitebsk-2026» XXXV halyqaralyq estradalyq án oryndaýshylar baiqaýynda I oryndy jeńip aldy. Eki kúnge sozylǵan baiqaý qorytyndysy boiynsha ónerpaz 134 upai jinady. Biylǵy dodaǵa 19 eldiń oryndaýshylary qatysty.
Qazaqstan qorjynyna taǵy bir júldeni 13 jastaǵy Jasmina Túzelova saldy.
Jas ónerpaz «Vitebsk-2026» XXIII halyqaralyq balalar án baiqaýynda II dárejeli diplom iegeri atanyp, joǵary deńgeidegi daiyndyǵyn kórsetti.
Jasmina Túzelova avtorlyq án jazýǵa arnalǵan arnaiy sertifikatqa da ie boldy. Bul marapatty halyqaralyq qazylar alqasynyń múshesi, latviialyq kompozitor Gaitis Lazdans taǵaiyndady.
Estradalyq án oryndaýshylardyń halyqaralyq baiqaýlary dástúrli túrde «Vitebskidegi Slavian bazary» festivali aiasynda ótkizilip, ár elden kelgen jas ónerpazdardyń basyn qosatyn bedeldi alańǵa ainalǵan.
Qazaqstandyq ónerpazdar «Slavian bazary» halyqaralyq óner festivalinde eki júlde ielendi
