Qazaqstandyq gimnastshy Aqmaral Erekesheva kórkem gimnastikadan Gran-pri kezeńinde alǵash ret chempion atandy. Chehiianyń Brno qalasynda ótken jarysta 16 jastaǵy sportshy bir altyn jáne tórt kúmis medal jeńip aldy, dep habarlaidy ult.kz.
Sheńbermen jattyǵý finalynda Erekesheva 29,150 ball jinap, ýkrainalyq Polina Karikany 0,05 ballǵa basyp ozdy. Úshinshi oryndy Ózbekstan ókili Lola Djýraeva ielendi.
Bul Qazaqstannyń Gran-pri tarihynda sheńbermen jattyǵýda jeńip alǵan alǵashqy altyny boldy. Osylaisha, qazaqstandyq gimnastshylar bul seriiadaǵy altyn medal sanyn tórteýge jetkizdi.
Jekelegen jattyǵýlardyń qalǵan úsh finalynda da Aqmaral Erekesheva kúmis júldege ie boldy. Ol doppen jattyǵýda 28 ball, shyǵyrshyqtarmen — 29,050, lentamen — 27,600 ball jinady.
Sonymen qatar, sportshy jeke kópsaiysta 116,500 ball jinap, ekinshi oryn aldy.
Osylaisha, Aqmaral Erekesheva Brnodaǵy Gran-pri kezeńin bir altyn jáne tórt kúmis medalmen aiaqtady.
Gimnastshynyń kelesi iri jarysy — Japoniianyń Aiti prefektýrasy men Nagoia qalasynda ótetin XX jazǵy Aziia oiyndary.
