قازاقستاندىق گيمناستشى اقمارال ەرەكەشەۆا كٶركەم گيمناستيكادان گران-پري كەزەڭٸندە العاش رەت چەمپيون اتاندى. چەحييانىڭ برنو قالاسىندا ٶتكەن جارىستا 16 جاستاعى سپورتشى بٸر التىن جەنە تٶرت كٷمٸس مەدال جەڭٸپ الدى, دەپ حابارلايدى ult.kz.
شەڭبەرمەن جاتتىعۋ فينالىندا ەرەكەشەۆا 29,150 بالل جيناپ, ۋكراينالىق پولينا كاريكانى 0,05 باللعا باسىپ وزدى. ٷشٸنشٸ ورىندى ٶزبەكستان ٶكٸلٸ لولا دجۋراەۆا يەلەندٸ.
بۇل قازاقستاننىڭ گران-پري تاريحىندا شەڭبەرمەن جاتتىعۋدا جەڭٸپ العان العاشقى التىنى بولدى. وسىلايشا, قازاقستاندىق گيمناستشىلار بۇل سەريياداعى التىن مەدال سانىن تٶرتەۋگە جەتكٸزدٸ.
جەكەلەگەن جاتتىعۋلاردىڭ قالعان ٷش فينالىندا دا اقمارال ەرەكەشەۆا كٷمٸس جٷلدەگە يە بولدى. ول دوپپەن جاتتىعۋدا 28 بالل, شىعىرشىقتارمەن — 29,050, لەنتامەن — 27,600 بالل جينادى.
سونىمەن قاتار, سپورتشى جەكە كٶپسايىستا 116,500 بالل جيناپ, ەكٸنشٸ ورىن الدى.
وسىلايشا, اقمارال ەرەكەشەۆا برنوداعى گران-پري كەزەڭٸن بٸر التىن جەنە تٶرت كٷمٸس مەدالمەن اياقتادى.
گيمناستشىنىڭ كەلەسٸ ٸرٸ جارىسى — جاپونييانىڭ ايتي پرەفەكتۋراسى مەن ناگويا قالاسىندا ٶتەتٸن XX جازعى ازييا ويىندارى.
