Ulttyq agrarlyq ǵylymi-bilim berý ortalyǵynyń (UAǴBBO) ǵalymdary aralardy selektsiialaý jáne omartalardy basqarýǵa arnalǵan alǵashqy Apislab tsifrlyq platformasyn ázirledi. Búginde bul júieni Qazaqstannyń túrli óńirlerindegi 201 omarta sharýashylyǵy paidalanyp keledi, dep habarlaidy ult.kz. QR Aýyl sharýashylyǵy ministrligine silteme jasap.
Ázirleme «Ara sharýashylyǵyndaǵy selektsiialyq úderisti tiimdi basqarý tehnologiialaryn ázirleý» jobasy aiasyndaǵy baǵdarlamalyq-nysanaly qarjylandyrý negizinde júzege asyryldy. Platforma ǵylymi zertteýlerdi, tsifrlyq esepke alý júiesin jáne omartalardy basqarýdyń zamanaýi quraldaryn biriktirip, selektsiialyq jumystardyń ǵylymi negizde júrgizilýine múmkindik beredi.
Apislab – ózara bailanysqan úsh komponentten turatyn biryńǵai tsifrlyq ekojúie. Apislab Science veb-qosymshasy ara qanattarynyń tsifrlyq keskinderi negizinde morfometriialyq taldaý júrgizýge jáne ǵylymi zertteýlerdiń nátijelerin saqtaýǵa arnalǵan. Apislab Apiary omartalardy, ara uialary men analyq aralardy esepke alýǵa, óndiristik úderisterdi tirkeýge jáne biryńǵai sáikestendirý júiesin qalyptastyrýǵa múmkindik beredi. Al Apislab Mobile mobildi qosymshasy omartashylarǵa omartada tikelei ara uialaryn tekserýge, selektsiialyq qasietterdi baǵalaý nátijelerin engizýge jáne derekterdi avtomatty túrde ortaq bazaǵa sinhrondaýǵa kómektesedi.
Platformanyń basty erekshelikteriniń biri – árbir ara uiasyna biregei sáikestendirý nómiri men QR-kodtyń berilýi. Sonyń arqasynda omartashylar ara uiasy týraly tolyq aqparatqa jedel qol jetkizip, júrgizilgen tekserýler men basqa da is-sharalar jónindegi málimetter biryńǵai aqparattyq júiede saqtalady.
Apislab platformasy paidalanýshylar úshin tegin. Jumysty bastaý úshin ara sharýashylyǵyn júiede tirkeý jetkilikti. Osydan keiin platformanyń barlyq múmkindikteri qoljetimdi bolady: omartalardy tsifrlyq esepke alý, tekserýlerdiń elektrondyq jýrnaldaryn júrgizý, mobildi qosymshany paidalaný jáne selektsiialyq jumystardy qoldaý quraldary.
Apislab platformasyn engizý otandyq ara sharýashylyǵyn tsifrlandyrýǵa, selektsiialyq jumystardyń tiimdiligin arttyrýǵa, bal aralarynyń genetikalyq resýrstaryn saqtaýǵa jáne ǵylym men óndiristiń ózara bailanysyn nyǵaitýǵa yqpal etedi.
