Qazaqstandaǵy áskeri joǵary oqý oryndarynyń úzdik túlekteri endi oqýyn támamdaǵannan keiin dástúrli «leitenant» emes, «aǵa leitenant» áskeri shenin alatyn boldy, dep habarlaidy ult.kz.
Bul týraly Memleket basshysy Qasym-Jomart Toqaev jas ofitserlerge alǵashqy áskeri shenderdi tapsyrý rásiminde málimdedi.
Prezidenttiń aitýynsha, mundai bastama ótken jyly kóterilip, ony júzege asyrý jóninde naqty tapsyrma berilgen. Nátijesinde biylǵy túlekter jańa tártip boiynsha birden «aǵa leitenant» shenine ie bolady.
«Sizder oqýdy bitirip, birden «aǵa leitenant» shenin alatyn tuńǵysh túlek bolasyzdar. Bul – ózderińizge artylǵan zor senim jáne úlken jaýapkershilik», – dedi Qasym-Jomart Toqaev.
Memleket basshysy áskeri qyzmettiń basty ólshemi shen emes, Otan aldyndaǵy adal qyzmet ekenin atap ótti. Onyń sózinshe, jas ofitserlerge úlken úmit artylady jáne olar el jastary úshin úlgi bolýy tiis.
Prezident sondai-aq túlekterdiń ata-analaryna alǵys aityp, olardyń eljandy ári jaýapty azamattardy tárbielegenin erekshe atap ótti.
Osylaisha, Qazaqstan áskeri bilim berý júiesinde úzdik túlekterdi yntalandyrýǵa baǵyttalǵan jańa tájiribe engizilip otyr.
