Mahambet Ótemisov atyndaǵy BQÝ rektory Nurlan Serǵaliev ustaldy, dep habarlaidy ult.kz.
MadeniPortal.kz saitynyń málimetinshe, onyń jumys kabineti men úiinde tintý júrgizildi. Bul týraly oblystyq qoǵamdyq keńes múshesi, zańger Baýyrjan Ahmetjan habarlady.
«Mahambet Ótemisov atyndaǵy ýniversitet qyzmetkerleriniń málimetinshe, búgin ýniversitet rektory Nurlan Serǵaliev qyzmettik ókilettigin asyra paidalandy degen kúdikpen ustaldy. Onyń jumys ornynda tintý sharalary júrgizilýde.
Qylmystyq qýdalaýdy Batys Qazaqstan oblysy boiynsha Ulttyq qaýipsizdik komiteti departamentiniń Sybailas jemqorlyqqa qarsy qyzmeti júrgizip jatyr», — dep jazdy Baýyrjan Ahmetjan óziniń Facebook paraqshasynda.
Nurlan Semǵaliev — oblystyq máslihat depýtaty. Resmi túrde rastalmaǵan málimetterge sáikes, oǵan qatysty tergeý ýniversitetke ǵylymdy damytýǵa memleket tarapynan bólingen qarajatty jymqyrý kúdigi boiynsha bastalǵan.
