QR oqý-aǵartý vitse-ministri Jaiyq Sharabasov OKQ alańynda ótken baspasóz konferentsiiasynda atap ótkendei, jekemenshik mektepterde memlekettik bilim berý tapsyrysyn ornalastyrý júiesin damytý ashyqtyq, tiimdilik jáne ataýlylyq qaǵidattaryna negizdelgen zamanaýi qarjylandyrý tetikterin engizýdi talap etedi, dep habarlaidy ult.kz.
Byltyr qarasha aiynda «OrtaBilim» servisi iske qosyldy. Bul táýekelderdi azaitýǵa jáne buzýshylyqtary bar jekemenshik mektepterdi qarjylandyrý jaǵdailaryn boldyrmaýǵa múmkindik berdi. Sonymen qatar, memlekettik jáne jekemenshik bilim berý uiymdarynda orta bilim berýge memlekettik bilim berý tapsyrysyn qarjylandyrý jónindegi pilottyq joba bekitildi.
«2026 jylǵy 1 qańtardan bastap memlekettik tapsyrysty ornalastyrýǵa jáne jańadan ashylatyn jekemenshik mektepterde ǵimarattyń amortizatsiiasyna arnalǵan shyǵystardy qarjylandyrý boiynsha jańa mindettemelerdi qabyldaýǵa moratorii engizildi. Bul biýdjettik qarjylandyrý kólemin turaqtandyrýǵa jáne olardyń odan ári baqylaýsyz ósýin tejeýge múmkindik beredi. Bul rette memleket jumys istep turǵan mektepter aldyndaǵy mindettemelerdi oryndaýdy jalǵastyrýda: jyl basynan beri pilottyq joba sheńberinde 749 jekemenshik mektepke 100 mlrd teńgeden astam qarajat tólendi», – dedi spiker.
Sonymen qatar, memlekettik bilim berý tapsyrysyn aimaqtardyń oqýshy oryndaryna degen naqty qajettiligin jabatyn jeke mektepterde ǵana ornalastyrý usynylady. Prokýratýra organdary memlekettik organdarmen birlesip, jekemenshik mektepterdiń belgilengen bilim berý standarttaryna sáikestigine litsenziiadan keiingi baqylaýdy júrgizedi. Bul rette oqý-aǵartý vitse-ministri pilottyq joba sheńberinde 2027 jylǵy 1 qańtardan bastap keiinge qaldyrý normasy belgilengenin, oǵan sáikes bilim berý qyzmetiniń oqý korpýsy nysanaly maqsaty sáikes kelmegen jaǵdaida mektep memlekettik bilim berý tapsyrysyn alýǵa úmitker bola almaitynyn atap ótti.
