Qazaqstan Respýblikasy Týrizm jáne sport ministrliginiń habarlaýynsha, qujat oblystardyń, respýblikalyq mańyzy bar qalalardyń jáne Astananyń ákimdigi quratyn týristik aqparat ortalyqtarynyń jumys tártibin birizdendiredi. Qaǵida týristerge kórsetiletin qyzmet sapasyn arttyrý jáne týristik aqparattandyrýdyń biryńǵai júiesin qalyptastyrý maqsatynda ázirlendi, dep habarlaidy ult.kz.
Qaǵidalarǵa sáikes týristik aqparat ortalyqtary mynadai fýnktsiialardy oryndaidy:
- týristik marshrýttar, kórikti jerler, týrizm nysandary, olardy aralaý tártibi, qaýipsizdik sharalary, qoldanystaǵy shekteýler jáne tótenshe jaǵdailar qyzmetteriniń bailanys derekteri týraly ózekti aqparat berý arqyly týristerdi aqparattandyrý;
- týrizm salasyndaǵy kásipkerlerge aqparattyq jáne konsýltatsiialyq qoldaý kórsetý;
- óńirlerdiń týristik áleýeti, týristik resýrstary, marshrýttary, týrizm nysandary men týristik qyzmetteri týraly aqparatty jinaqtaý, júieleý jáne turaqty túrde jańartyp otyrý;
- aqparattyq, anyqtamalyq, ádistemelik, jarnamalyq jáne tanystyrylym materialdaryn ázirleý;
- óńirlerdiń týristik áleýetin ishki jáne halyqaralyq týristik naryqta ilgeriletýge qatysý;
- «Kazakh Tourism» ulttyq kompaniiasymen birlesip týristik áleýetti ilgeriletý jáne vizit-ortalyqtarmen ózara is-qimyl jasaý.
Qaǵidalar týristik aqparat ortalyqtarynyń qyzmetine qoiylatyn mindetti talaptardy da aiqyndaidy. Atap aitqanda, ortalyqtarda kelýshilerge qyzmet kórsetýge arnalǵan úi-jai nemese arnaiy jabdyqtalǵan oryn, bailanys quraldary men internetke qoljetimdilik, ózekti aqparattyq materialdar, qyzmetkerler, sondai-aq týristik aqparatty turaqty jańartyp otyrýǵa arnalǵan ishki rásimder bolýy tiis.
Kelýshilerge aqparat memlekettik jáne orys tilderinde usynylady. Uiymdastyrýshylyq múmkindik bolǵan jaǵdaida aqparat shet tilderinde de beriledi. Týristik aqparat ortalyqtarynyń jumys rejimin týrister aǵynynyń maýsymdylyǵy men týristerdiń qajettilikterin eskere otyryp, jergilikti atqarýshy organdar bekitedi.
Qaǵidalardyń qabyldanýy týristik aqparat ortalyqtarynyń qyzmetin biryńǵai standart boiynsha uiymdastyrýǵa, týrister úshin aqparattyń qoljetimdiligi men sapasyn arttyrýǵa, sondai-aq memlekettik organdar men týrizm salasyndaǵy uiymdar arasyndaǵy ózara is-qimyldy kúsheitýge múmkindik beredi.
