Qazaqstanda orken.otbasybank.kz portaly bar «Turǵyn úimen qamtamasyz etý ortalyǵy» quryldy, dep habarlaidy ult.kz.
Ol búkil el boiynsha kezekte turǵandardyń esebin ortalyqtandyrylǵan tártipte júrgizýge, azamattardyń derekterin avtomatty túrde tekserýge, tizimderdegi qaitalaýlardy alyp tastaýǵa jáne qyzmetkerlerdiń qatysýynsyz turǵyn úidi bólýge múmkindik beredi. Bul týraly Úkimet otyrysynda «Otbasy banki» AQ basqarma tóraǵasy Lázzat Ibragimova málimdedi.
«Bank 15 memlekettik derekter bazasyna qosylǵan. Bul otbasynyń sandyq kartasyn jasaidy. Júieniń ózi turǵyn úige muqtaj adamnyń bólý sharttaryna sáikes keletindigin tekseredi. Esepke qoiý banktiń mobildi qosymshasynda qoljetimdi. Onda turǵyn úidi bólýge de qatysýǵa bolady», — dedi Lázzat Ibragimova.
Sondai-aq, platformaǵa óńirlerde turǵyn úige degen qajettilikti boljaý úshin jasandy intellekt negizinde sheshimder engizý josparlanýda. Sonymen qatar, azamattarǵa onlain-keńes berý úshin JI-agent iske qosylady.
