قازاقستاندا orken.otbasybank.kz پورتالى بار «تۇرعىن ٷيمەن قامتاماسىز ەتۋ ورتالىعى» قۇرىلدى, دەپ حابارلايدى ult.kz.
ول بٷكٸل ەل بويىنشا كەزەكتە تۇرعانداردىڭ ەسەبٸن ورتالىقتاندىرىلعان تەرتٸپتە جٷرگٸزۋگە, ازاماتتاردىڭ دەرەكتەرٸن اۆتوماتتى تٷردە تەكسەرۋگە, تٸزٸمدەردەگٸ قايتالاۋلاردى الىپ تاستاۋعا جەنە قىزمەتكەرلەردٸڭ قاتىسۋىنسىز تۇرعىن ٷيدٸ بٶلۋگە مٷمكٸندٸك بەرەدٸ. بۇل تۋرالى ٷكٸمەت وتىرىسىندا «وتباسى بانكٸ» اق باسقارما تٶراعاسى لەززات يبراگيموۆا مەلٸمدەدٸ.
«بانك 15 مەملەكەتتٸك دەرەكتەر بازاسىنا قوسىلعان. بۇل وتباسىنىڭ ساندىق كارتاسىن جاسايدى. جٷيەنٸڭ ٶزٸ تۇرعىن ٷيگە مۇقتاج ادامنىڭ بٶلۋ شارتتارىنا سەيكەس كەلەتٸندٸگٸن تەكسەرەدٸ. ەسەپكە قويۋ بانكتٸڭ موبيلدٸ قوسىمشاسىندا قولجەتٸمدٸ. وندا تۇرعىن ٷيدٸ بٶلۋگە دە قاتىسۋعا بولادى», — دەدٸ لەززات يبراگيموۆا.
سونداي-اق, پلاتفورماعا ٶڭٸرلەردە تۇرعىن ٷيگە دەگەن قاجەتتٸلٸكتٸ بولجاۋ ٷشٸن جاساندى ينتەللەكت نەگٸزٸندە شەشٸمدەر ەنگٸزۋ جوسپارلانۋدا. سونىمەن قاتار, ازاماتتارعا ونلاين-كەڭەس بەرۋ ٷشٸن جي-اگەنت ٸسكە قوسىلادى.
