2026 jylǵy 1 maýsymdaǵy jaǵdai boiynsha mansap ortalyqtary arqyly 200,4 myń azamat jumyspen qamtyldy. Bul kórsetkishtiń ishinde 75 myńy – jastar bolsa, 81 myńy – názik jandylar. Bul týraly QR Eńbek jáne halyqty áleýmettik qorǵaý ministrligi jazady, dep habarlaidy ult.kz.
Qazaqstannyń eńbek naryǵynda oń úrdis saqtalýda. Jumyspen qamtýǵa járdemdesý sharalary elimizdiń barlyq óńirlerin qamtyp, halyq tabysynyń artýyna jáne eńbek áleýetiniń nyǵaiýyna yqpal etýde. Ulttyq jobalar men óńirlerdi damytý josparlary aiasynda biyl jalpy sany 40,4 myń jańa jumys ornyn qurý josparlansa, jyldyń alǵashqy jartysynda-aq 8 myńǵa jýyǵy ashylyp úlgerdi.
QR Eńbek jáne halyqty áleýmettik qorǵaý ministrligi halyqtyń áleýmettik osal sanattaryn eńbek naryǵyna tartý boiynsha júieli jumys júrgizip, ár azamattyń qajettiligine sai jeke qoldaý tetikterin usynýda. Máselen, mansap ortalyqtarynyń qyzmetimen 17,4 myń múgedektigi bar azamat qamtyldy. Olardyń 6,4 myńy jumysqa ornalastyrylsa, 3,8 myńnan astamy kásipkerlik negizderine oqytylyp, «Skills Enbek» onlain-platformasy arqyly jańa daǵdylardy meńgerdi.
Kópbalaly otbasylardy qoldaý máselesine de erekshe nazar aýdarylýda: mansap ortalyqtaryna júgingen 17,2 myń azamattyń 6,1 myńy turaqty jáne memleket sýbsidiialaityn ýaqytsha jumys oryndaryna ornalastyryldy.
Eńbek naryǵyna beiimdeýdiń mańyzdy quraldarynyń biri – kásibi baǵdarlaý. Jyl basynan beri bul qyzmetti 170,6 myń azamat paidalansa, olardyń 138 myńy jumys izdeýshiler qataryndaǵy adamdar.
Atalǵan jumystyń negizin 2024–2029 jyldarǵa arnalǵan Eńbek naryǵyn damytý tujyrymdamasy quraidy. Ministrliktiń strategiialyq maqsaty – 2029 jylǵa qarai sapaly jumys oryndarynyń úlesin 45%-ǵa deiin jetkizý.
Bul baǵyttaǵy oń ózgerister naqty kórsetkishterden de kórinedi. Eger 2024 jyly sapaly jumys oryndarymen 2,47 mln adam qamtylsa, 2026 jyly bul kórsetkishti 3,08 mln adamǵa deiin jetkizý josparlanyp otyr.
Turaqty jalaqyny, qaýipsiz eńbek jaǵdailaryn jáne áleýmettik qorǵalýdy qamtityn osy tásilderdi iske asyrý eldegi áleýmettik turaqtylyqty nyǵaitýdyń mańyzdy faktory bolyp tabylady.
