Memleket basshysy Qasym-Jomart Toqaevtyń bastamasymen BUU-nyń turaqty damý maqsatynda jariialaǵan Halyqaralyq volonterler jyly aiasynda álemniń túkpir-túkpirinde birqatar is-shara ótip jatyr. Bul bastamany qoldaǵan Zambiiada Halyqaralyq jyldyń resmi ashylý rásimi ótti, dep habarlaidy ult.kz.
Saltanatty is-shara Mvinilýnga aýdanynda «Árbir úles mańyzdy: volonterler qoǵam damýyna úles qosady» uranymen uiymdastyrylyp, elde volonterlerdiń turaqty damýǵa qosqan úlesin nasihattaityn is-sharalar ótti.
Oǵan jergilikti atqarýshy organdar men qoǵamdyq uiymdardyń ókilderi qatysty. Saltanatty rásim barysynda BUU Bas hatshysy Antoniý Gýterrishtiń úndeýi oqyldy.
Jiynnyń resmi ashylýy qarsańynda elde volonterlik qyzmetti keńinen dáripteýge baǵyttalǵan naýqan, ekologiialyq aktsiialar jáne qoǵamdyq oryndardy abattandyrý sharalary uiymdastyryldy.
Turaqty damý maqsatyndaǵy Halyqaralyq volonterler jyly azamattardyń áleýmettik, ekologiialyq jáne gýmanitarlyq bastamalarǵa belsendi atsalýyna baǵyttalady.
