Memleket basshysy Qasym-Jomart Toqaev Qazaqstan Respýblikasynyń Ulttyq mýzeiine «ulttyq» mártebe berý týraly Jarlyqqa qol qoidy, dep habarlaidy ult.kz.
Prezident bul sheshim arqyly eldiń tarihi-mádeni murasyn saqtaý men ulttyq qundylyqtardy dáripteý isine erekshe mán beriletinin atap ótti. Jańa mártebe mýzeidiń Ortalyq Aziiadaǵy eń iri mýzeilerdiń biri ári Qazaqstannyń jetekshi mádeni-aǵartýshylyq ortalyǵy retindegi ornyn aiqyndai túsedi.
Qazirgi tańda mýzei qorynda 200 myńnan astam jádiger saqtaýly. Mekemede 20 kórme zaly, restavratsiia sheberhanalary, zerthanalar, qor saqtaý oryndary, ǵylymi kitaphana jáne kórme-bilim berý jobalaryn júzege asyrýǵa arnalǵan arnaiy keńistikter jumys isteidi.
Ulttyq mýzeige jyl saiyn 600 myńnan astam adam keledi. Munda ǵylymi qyzmetkerler, restavratorlar, ekskýrsiia jetekshileri men qor saqtaýshylardy qosa alǵanda, 400-den astam maman eńbek etedi.
Mýzei kórme, ǵylymi jáne aǵartýshylyq baǵyttaǵy jumystardy turaqty júrgizip keledi. Jyl saiyn munda 100-den astam halyqaralyq kórme men túrli jobalar uiymdastyrylyp, olardyń aiasynda Qazaqstannyń sheteldik mýzeilermen jáne ǵylymi-zertteý ortalyqtarymen yntymaqtastyǵy keńeitiledi.
Sarapshylardyń pikirinshe, jańa mártebe mýzeidiń ǵylymi-zertteý, mádeni-aǵartýshylyq jáne halyqaralyq bailanystaryn odan ári damytýǵa múmkindik beredi. Sonymen qatar bul qadam ulttyq murany saqtaý jáne nasihattaý baǵytyndaǵy jumystardyń tiimdiligin arttyrýǵa yqpal etpek.
