Qazaqstan Respýblikasynyń Ishki ister ministrligi Ulttyq qaýipsizdik komitetimen, prokýratýra organdarymen jáne Chehiia politsiiasymen birlesken arnaiy operatsiia barysynda Qazaqstan men TMD elderi azamattarynyń jeke derekterin zańsyz taratqan halyqaralyq qylmystyq arnanyń jolyn kesti, dep habarlaidy ult.kz.
Polisia.kz jazýynsha, IIM Kiberqylmysqa qarsy is-qimyl departamentiniń bastyǵy Jandos Súiinbai birneshe eldiń quqyq qorǵaý organdarynyń úilesimdi áreketiniń nátijesinde halyqaralyq deńgeide jumys istegen uiymdasqan top áshkerelengenin aitqan.
— Qylmystyq is aiasynda Chehiianyń Ýsti-nad-Labem qalasynda, sondai-aq Astana, Almaty jáne Qaraǵandy qalalarynda tintý júrgizildi. Tergeý barysynda kóptegen tsifrlyq aqparat tasymaldaǵyshtar men qolma-qol aqsha tárkilendi, — dedi ol.
Tergeý málimetine sáikes, kúdiktiler jabyq internet-resýrs quryp, onda Qazaqstan jáne kórshiles memleketter azamattarynyń jeke derekterin ornalastyrǵan. Qylmystyq topta naqty ierarhiialyq qurylym bolǵan: uiymdastyrýshylar, tapsyrys qabyldaityn operatorlar jáne derekterdi izdep, usynýmen ainalysqan qatysýshylar óz mindetterin bólisip atqarǵan.
Zańsyz tabysty qolma-qol aqshaǵa ainaldyrý úshin drop-akkaýnttar paidalanylǵan. Sonymen qatar bir rettik suranystar men resýrsqa turaqty qoljetimdilik úshin arnaiy tarifter belgilengeni anyqtaldy.
Qylmystyq shemany uiymdastyrdy degen kúdikke ilingender ustalyp, ýaqytsha ustaý izoliatoryna qamaldy. Qazirgi ýaqytta tergeý jalǵasyp jatyr.
— IIM kiberqylmysqa qarsy kúresti kúsheitip, jeke derekterdiń zańsyz taralý arnalary men kózderin anyqtaý jáne joiý jumystaryn jalǵastyrady. Azamattardyń quqyqtary men qaýipsizdigin qorǵaý — basty mindetterdiń biri, — dedi Jandos Súiinbai.
Eske salaiyq, buǵan deiin Bas prokýratýra kiberalaiaqtyq qylmystaryn ashý kórsetkishi 29 paiyzǵa artqanyn habarlaǵan bolatyn.
