Qazaqstan men Resei qylmystyq jolmen alynǵan kiristerdi zańdastyrýǵa (jylystatýǵa) jáne terrorizmdi qarjylandyrýǵa qarsy is-qimyl salasyndaǵy yntymaqtastyqty nyǵaitý týraly kelisimge qol qoidy, dep habarlaidy ult.kz.
Qujat Resei Federatsiiasy prezidentiniń Qazaqstanǵa memlekettik sapary aiasynda Qazaqstannyń Qarjylyq monitoring agenttigi men Reseidiń Federaldyq qarjylyq monitoring qyzmeti arasynda rásimdeldi.
Kelisim eki eldiń qarjylyq barlaý organdary arasyndaǵy ózara is-qimyl tetikterin damytýǵa baǵyttalǵan. Taraptar aqparat almasý tiimdiligin arttyryp, qarjylyq qylmystardy anyqtaý jáne olardyń jolyn kesý boiynsha birlesken jumysty kúsheitýdi kózdep otyr.
Mamandardyń aitýynsha, bul ýaǵdalastyq zańsyz kiristerdi jylystatý men terrorizmdi qarjylandyrýǵa qarsy halyqaralyq yntymaqtastyqty jańa deńgeige shyǵarýǵa múmkindik beredi.
