15 qyrkúiekte Qazaqstan men Ońtústik Koreia prezidentteri Seýlde shaǵyn jáne keńeitilgen quramda kelissóz júrgizdi. Kelissóz qorytyndysy boiynsha Qazaqstan Respýblikasy men Koreia Respýblikasy syrtqy ister ministrleri bolashaqqa baǵdarlanǵan qazaq-korei qarym-qatynasyn jan-jaqty strategiialyq seriktestik deńgeiine deiin kóterý týraly verbaldi notalar almasty, dep habarlaidy ult.kz Aqordaǵa silteme jasap.
Budan bólek, memleketter basshylarynyń qatysýymen resmi delegatsiia músheleri mynadai úkimetaralyq jáne vedomstvoaralyq qujattar almasty:
1. Qazaqstan Respýblikasy Energetika ministrligi men Koreia Respýblikasy Saýda, ónerkásip jáne resýrstar ministrligi arasyndaǵy munai salasy boiynsha yntymaqtastyq týraly negizdemelik kelisim;
2. Qazaqstan Respýblikasy Ǵylym jáne joǵary bilim ministrligi men Koreia Respýblikasy Ǵylym jáne aqparattyq-kommýnikatsiialyq tehnologiialar ministrligi arasyndaǵy ǵylym jáne tehnologiialar salasy boiynsha talanttardy damytý týraly yntymaqtastyqtyń negizdemelik qujaty;
3. Qazaqstan Respýblikasy Eńbek jáne halyqty áleýmettik qorǵaý ministrligi men Koreia Respýblikasy Jumyspen qamtý jáne eńbek ministrligi arasyndaǵy EPS júiesi boiynsha qyzmetkerlerdi baǵyttaý jáne qabyldaý boiynsha ózara túsinistik týraly memorandým;
4. Qazaqstan Respýblikasy Atom energiiasy jónindegi agenttigi men Koreia Respýblikasy Saýda, ónerkásip jáne resýrstar ministrligi arasyndaǵy atom qýatyn beibit maqsatta paidalaný salasyndaǵy ózara túsinistik týraly memorandým;
5. Qazaqstan Respýblikasy Atom energiiasy jónindegi agenttigi men Koreia Respýblikasy Klimat, energetika jáne qorshaǵan orta ministrligi arasyndaǵy atom energiiasyn beibit maqsatta paidalaný salasyndaǵy ózara túsinistik týraly memorandým;
6. Ziiatkerlik menshik salasy boiynsha ózara túsinistik týraly memorandým;
7. Qazaqstan Respýblikasy Ónerkásip jáne qurylys ministrligi men Koreia Respýblikasy Jer, infraqurylym jáne kólik ministrligi arasynda qalany, infraqurylymdy damytý salasyndaǵy yntymaqtastyq boiynsha ózara túsinistik týraly memorandým;
8. Qazaqstan Respýblikasy Kólik ministrligi men Koreia Respýblikasy Jer, infraqurylym jáne kólik ministrligi arasyndaǵy ozyq áýe qozǵalysyn damytý salasy boiynsha ózara túsinistik týraly memorandým;
9. Qazaqstan Respýblikasy Energetika ministrligi men Koreia Respýblikasy Klimat, energetika jáne qorshaǵan orta ministrligi arasyndaǵy ózara túsinistik týraly memorandým;
10. Ormandardy tsifrlyq qalpyna keltirý jáne klimat ózgerisine qarsy kúres sharalary jónindegi ózara túsinistik týraly memorandým;
11. Qazaqstan Respýblikasy Mádeniet jáne aqparat ministrligi men Koreia Respýblikasy Mádeniet, sport jáne týrizm ministrligi arasyndaǵy 2026-2030 jyldarǵa arnalǵan mádeni yntymaqtastyq jónindegi ózara túsinistik týraly memorandým;
12. Qazaqstan Respýblikasy Mádeniet jáne aqparat ministrligi men Koreia Respýblikasy Patriottar men ardagerler isteri ministrligi arasyndaǵy Tarihi nysandardy saqtaý jáne basqarý salasy boiynsha jan-jaqty yntymaqtastyq jónindegi ózara túsinistik týraly memorandým.
Aita keteiik, Qazaqstan men Koreia Respýblikasynyń prezidentteri shaǵyn quramda kelissóz júrgizgende Qasym-Jomart Toqaev Koreia Respýblikasyna saparmen kelýge shaqyrǵany úshin Li Chje Miońge rizashylyǵyn bildirdi.
– Búgin tańerteń jaqsy biznes-forým ótti. Menimen birge Koreiaǵa úlken biznes delegatsiia keldi. Ártúrli salada óte tartymdy jobalar júzege asyrylýda. Josparymyz da óte myqty. Onyń ishinde Alatau City jobasyn odan ári damytý máselesin jiti talqyladyq. Bul – shyn máninde óte qajetti jáne mańyzdy joba. Biz oǵan úlken mán beremiz. Qala mártebesine qatysty erejelerdi Konstitýtsiiamyzǵa engizdik. Zań turǵysynan koreilik kompaniialarǵa barlyq kepildik beriledi. Qazaqstanda korei ultynyń 120 myńnan astam ókili turady. Olarǵa barlyq jaǵdai jasalǵan, korei diasporasy – qoǵamymyzdyń belsendi músheleri, – dedi Prezident.
Prezident eki eldiń túrli baǵyttaǵy yqpaldastyǵynyń qazirgi jai-kúii men keleshegin joǵary baǵalady.
– Ekijaqty qarym-qatynasqa toqtalsaq, sapar barysynda 19 milliard dollardy quraityn kommertsiialyq kelisimderge qol qoiyldy. Korei investorlarynyń jumysyna kóńilimiz tolady, aldaǵy ýaqytta da osy baǵyttaǵy bailanystardy jalǵastyramyz. Qonaq úi, munai óńdeý zaýytyn salý jáne qala qurylysy boiynsha jaqsy josparlarymyz bar. Ásirese, mádeni-gýmanitarlyq yntymaqtastyqty nyǵaitýǵa den qoiamyz, – dedi Memleket basshysy.
Koreia Respýblikasynyń Prezidenti Qazaqstan basshysyna iltipat bildirip, onyń Seýlge jasaǵan saparyna airyqsha mán beretinin atap ótti.
– Koreia tarihynda airyqsha orny bar jáne qiyn-qystaý kezeńde halqyna qorǵan bolǵan general Hon Bom Donyń súiegin qaitarý jóninde sheshim qabyldaǵanyńyzǵa alǵys aitamyn. Qazaq halqy kezinde jer aýdarylǵan koreilerge pana boldy. Osy oraida Sizge jáne qazaq halqyna rizashylyǵymyzdy bildiremiz, – dedi Li Chje Mioń.
Kelissóz barysynda eki eldiń júieli bailanysty úzbeýge, bir-birine jan-jaqty qoldaý kórsetýge daiyn ekenderi aityldy.
Kezdesý qorytyndysy boiynsha memleketter basshylary Qazaqstan men Koreia Respýblikasynyń strategiialyq seriktestigin nyǵaitýǵa jáne ony jańa ári naqty mazmunmen tolyqtyrýǵa nietti ekenin rastady.
