Premer-ministr Oljas Bektenov Minskige resmi sapar aiasynda Qazaqstan men Belarýs arasyndaǵy saýda-ekonomikalyq yntymaqtastyqty keńeitýge baǵyttalǵan birqatar ýaǵdalastyqqa qol jetkizildi. Jalpy somasy 100 mln dollardan asatyn kelisimsharttar ónerkásiptik kooperatsiia men eksporttyq jetkizilimderdi qamtidy, dep habarlaidy ult.kz.
«Resmi sapar aiasynda saýda-ekonomikalyq qatynastardy nyǵaitý máseleleri talqylandy. 2025 jyly taýar ainalymy shamamen 1,2 mlrd dollardy qurady. Biylǵy jeti aidyń qorytyndysy boiynsha eksport kólemi 35%-dan astam ósti. Premer-ministrdiń sapary barysynda jalpy somasy 100 mln dollardan asatyn kelisimsharttar jasaldy. Olardyń qatarynda ónerkásip kooperatsiiasy jobalary men Belarýs Respýblikasyna avtokólik jetkizý jónindegi kelisimder bar. Jalpy, ónerkásip kooperatsiiasyna jáne agroónerkásip ónimderin jetkizýge basa nazar aýdaryldy», dedi saýda jáne integratsiia ministri Arman Shaqqaliev.
Atap aitqanda, «Hyundai Trans Auto» JShS óndirgen 790 kommertsiialyq avtokólikti 2027–2028 jyldary Belarýs elindegi seriktesi — «Er Si Em» JShQ kompaniiasyna jetkizý týraly kelisimshart jasaldy. Olardyń jalpy quny keminde 30 mln dollardy quraidy. Qazaqstandyq avtokólik óndirýshileriniń Belarýs naryǵyna eksporttaýǵa rastalǵan jiyntyq áleýeti jylyna 4,5 myń avtokólikke deiin jetedi. Sondai-aq qazaqstandyq sýsyndar men ózge de ónimderdi jetkizý jóninde ýaǵdalastyqtarǵa qol jetkizildi.
