پرەمەر-مينيستر ولجاس بەكتەنوۆ مينسكٸگە رەسمي ساپار اياسىندا قازاقستان مەن بەلارۋس اراسىنداعى ساۋدا-ەكونوميكالىق ىنتىماقتاستىقتى كەڭەيتۋگە باعىتتالعان بٸرقاتار ۋاعدالاستىققا قول جەتكٸزٸلدٸ. جالپى سوماسى 100 ملن دوللاردان اساتىن كەلٸسٸمشارتتار ٶنەركەسٸپتٸك كووپەراتسييا مەن ەكسپورتتىق جەتكٸزٸلٸمدەردٸ قامتيدى, دەپ حابارلايدى ult.kz.
«رەسمي ساپار اياسىندا ساۋدا-ەكونوميكالىق قاتىناستاردى نىعايتۋ مەسەلەلەرٸ تالقىلاندى. 2025 جىلى تاۋار اينالىمى شامامەن 1,2 ملرد دوللاردى قۇرادى. بيىلعى جەتٸ ايدىڭ قورىتىندىسى بويىنشا ەكسپورت كٶلەمٸ 35%-دان استام ٶستٸ. پرەمەر-مينيستردٸڭ ساپارى بارىسىندا جالپى سوماسى 100 ملن دوللاردان اساتىن كەلٸسٸمشارتتار جاسالدى. ولاردىڭ قاتارىندا ٶنەركەسٸپ كووپەراتسيياسى جوبالارى مەن بەلارۋس رەسپۋبليكاسىنا اۆتوكٶلٸك جەتكٸزۋ جٶنٸندەگٸ كەلٸسٸمدەر بار. جالپى, ٶنەركەسٸپ كووپەراتسيياسىنا جەنە اگروٶنەركەسٸپ ٶنٸمدەرٸن جەتكٸزۋگە باسا نازار اۋدارىلدى», دەدٸ ساۋدا جەنە ينتەگراتسييا مينيسترٸ ارمان شاققاليەۆ.
اتاپ ايتقاندا, «Hyundai Trans Auto» جشس ٶندٸرگەن 790 كوممەرتسييالىق اۆتوكٶلٸكتٸ 2027–2028 جىلدارى بەلارۋس ەلٸندەگٸ سەرٸكتەسٸ — «ەر سي ەم» جشق كومپانيياسىنا جەتكٸزۋ تۋرالى كەلٸسٸمشارت جاسالدى. ولاردىڭ جالپى قۇنى كەمٸندە 30 ملن دوللاردى قۇرايدى. قازاقستاندىق اۆتوكٶلٸك ٶندٸرۋشٸلەرٸنٸڭ بەلارۋس نارىعىنا ەكسپورتتاۋعا راستالعان جيىنتىق ەلەۋەتٸ جىلىنا 4,5 مىڭ اۆتوكٶلٸككە دەيٸن جەتەدٸ. سونداي-اق قازاقستاندىق سۋسىندار مەن ٶزگە دە ٶنٸمدەردٸ جەتكٸزۋ جٶنٸندە ۋاعدالاستىقتارعا قول جەتكٸزٸلدٸ.
