2025–2029 jyldary Qazaqstanda kommýnaldyq jáne energetikalyq sektorlardy jańǵyrtýǵa 13 trln teńge investitsiia tartý josparlanyp otyr. Bul týraly Úkimet otyrysynda ulttyq ekonomika vitse-ministri Asan Darbaev málimdedi, dep habarlaidy ult.kz.
Onyń aitýynsha, qarjynyń 6,8 trln teńgesi kommýnaldyq sektordy, al 6,2 trln teńgesi energetika salasyn jańǵyrtýǵa baǵyttalady.
Joba aiasynda:
- 84 myń shaqyrym injenerlik jeli jóndelip, jańǵyrtylady;
- 7 309 megavatt jańa qýat iske qosylady;
- 27 energiia óndirý nysany salynyp nemese rekonstrýktsiiadan ótedi.
Nátijesinde 2029 jylǵa qarai eldegi kommýnaldyq jáne energetikalyq jelilerdiń tozý deńgeii orta eseppen 40%-ǵa deiin tómendeidi, al nysandardaǵy apattylyq deńgeii 25%-ǵa qysqarady.
Vitse-ministrdiń aitýynsha, Memleket basshysynyń tapsyrmasymen qabyldanǵan «Energetikalyq jáne kommýnaldyq sektorlardy jańǵyrtý» ulttyq jobasy jylý, elektr, sýmen jabdyqtaý jáne sý burý salalaryndaǵy 247 tabiǵi monopoliia sýbektisin qamtidy. Sonymen qatar, 2029 jylǵa deiin táýekeli joǵary daǵdarystyq aimaqtaǵy 70 kommýnaldyq kásiporyndy osy sanattan shyǵarý josparlanǵan.
