Qazaqstanda memlekettik kolledjder endi oqý protsesinen tys ýaqytta ózderiniń sport nysandaryn turǵyndarǵa jalǵa bere alady. Tiisti norma «Bilim týraly» zańǵa áleýmettik zańnamany jetildirý aiasynda engizilgen ózgeristermen bekitildi, dep habarlaidy ult.kz.
Buǵan deiin mundai múmkindik tek jalpy orta bilim berý uiymdaryna ǵana berilgen bolatyn. Endi kolledjderdiń sport zaldary, basseinderi, stadiondary jáne basqa da dene shynyqtyrý-saýyqtyrý nysandary sabaq aiaqtalǵannan keiin eldi meken turǵyndarynyń paidalanýyna usynylady.
Zańǵa sáikes, jalǵa berýden túsken qarajat sport infraqurylymyn damytýǵa jumsalady. Atap aitqanda, kolledjder bul qarjyny sport nysandaryn kútip-ustaýǵa jáne jóndeýge, zamanaýi sporttyq jabdyqtar satyp alýǵa, sondai-aq materialdyq-tehnikalyq bazany jańartýǵa baǵyttai alady.
Bilim salasy mamandarynyń aitýynsha, bul ózgeris memlekettik kolledjderdiń sport infraqurylymyn tiimdi paidalanýǵa múmkindik berip, buqaralyq sportty damytýǵa, salaýatty ómir saltyn nasihattaýǵa jáne turǵyndardyń sportpen shuǵyldanýyna qoljetimdilikti arttyrýǵa yqpal etedi.
