«Qazaqstan temir joly» UK» AQ málimetinshe, 2025 jylǵy qyrkúiekten 2026 jylǵy 30 shildege deiin Qazaqstan 13,9 mln tonna astyq pen astyq balamasyndaǵy un eksporttady, dep habarlaidy ult.kz.
Bul ótken jyldyń sáikes kezeńimen salystyrǵanda 12,6%-ǵa kóp. Ótken jyly osy kezeńde shetelge 12,4 mln tonna ónim jóneltilgen bolatyn.
Eksport kóleminiń ósýine Ortalyq Aziia elderi men Aýǵanstanǵa jóneltilgen ónim kóleminiń artýy yqpal etti.
Atap aitqanda, Ózbekstanǵa eksport 36%-ǵa ósip, 5,8 mln tonnany, Qyrǵyzstanǵa – 35%-ǵa ósip, 528 myń tonnany, Aýǵanstanǵa – 57%-ǵa ósip, 2,4 mln tonnany, Túrikmenstanǵa – 32%-ǵa ósip, 220 myń tonnany qurady.
Júk tasymaly kóleminiń artýy qazaqstandyq aýyl sharýashylyǵy ónimderine suranystyń joǵary ekenin kórsetedi. Sonymen qatar bul eksporttyq logistikany damytý jáne sheteldik seriktestermen saýda-ekonomikalyq yntymaqtastyqty keńeitý baǵytynda atqarylyp jatqan jumystardyń nátijeli ekenin aiǵaqtaidy.
