Qazaqmystyń Jezqazǵan óńirindegi kásiporyndarynda statsionarlyq jabdyqqa josparly jóndeý jumysy turaqty túrde júrgiziledi. Tamyz aiynda mamandar 20 jobany sátti aiaqtady. Jumys kenish alańynda jáne Jezqazǵan baiytý fabrikasynda júrgizildi, dep habarlaidy ult.kz.
«Jomart» kenishinde №3 jáne №5 magistraldyq konveierlerge, sondai-aq №2, №5 jáne №8 usatqyshtarǵa jóndeý júrgizildi. Mamandar usatqyshtardyń mańdaishasy men qorektendirgishterin jóndedi, skiptik kótergishtiń tartqysh arqandaryn aýystyrdy, konveierdiń kermeli stantsiiasyn jóndep, temirjol býnkeriniń elementterin qalpyna keltirdi.
Ońtústik Jezqazǵan kenishinde jáne «Batys» kenishinde kóterý jáne usaqtaý jabdyqtaryna keshendi jóndeý jumysy júrgizildi. Atap aitqanda, №65 shahtada arqan jetekti shkivtiń fýterovkasy aýystyryldy. №67 shahtadaǵy №4 konveierdiń 1890 qýma metr taspasy, sondai-aq dońǵalaqtary men dońǵalaq tireýleri jańartyldy.
Jezqazǵan baiytý fabrikasynda mamandar usatqyshtardy, qorektendirgish pen konveierlerdi jóndedi. Jumys barysynda taspa, torap jáne usaqtaý jabdyǵynyń brondy elementteri aýystyrylyp, tor asty naýa jóndeldi, sondai-aq plastinaly qorektendirgishtiń tósemi aýystyryldy.
Josparly jóndeý jumysy jabdyqtyń tehnikalyq jaǵdaiy men óndiristik mindetterdi eskere otyryp, bekitilgen kestege sáikes júrgiziledi. Mundai tásil jekelegen toraptardyń tozýyn aldyn ala anyqtaýǵa, aqaýdy der kezinde joiýǵa jáne olardyń ulǵaiýyna jol bermeýge yqpal etedi. Jabdyqqa turaqty túrde tehnikalyq qyzmet kórsetý onyń úzdiksiz ári qaýipsiz jumysyn qamtamasyz etedi.
Tehnikalyq qyzmet kórsetý jáne jóndeý jumysy qyrkúiek aiynda da jalǵasady. «Batys» kenishiniń №67 shahtasyndaǵy 140-deńgeijiekte ken túsirgishtiń mańdaishasyn aýystyryp, usatqyshty jóndeý josparlanǵan. Jumys aiaqtalǵannan keiin jabdyq qaitadan paidalanýǵa beriledi.
Josparly jóndeý jumysy – óńirdegi kásiporyndardyń óndiristik jumysynyń ajyramas bóligi. Kompaniia jabdyqty júieli túrde jańartyp, qalpyna keltirý arqyly olardyń tehnikalyq daiarlyǵyn qamtamasyz etedi jáne óndiristik nysandardyń qaýipsiz ári turaqty jumys isteýine jaǵdai jasaidy.
