Jezqazǵanda Metallýrg kúnin merekeleýdiń basty oqiǵasy — «Kazahmys» Tobynyń muryndyq bolýymen ótken aýqymdy Metallurg Fest festivali boldy. Bir keshke qalanyń ortalyq alańy ashyq aspan astyndaǵy alyp dýman aimaǵyna ainalyp, Ulytaý oblysynyń myńdaǵan turǵyny men qonaǵynyń basyn qosty, dep habarlaidy Ult.kz.
Bul festivaldi ótkizý kompaniianyń igi dástúrine ainalǵan. «Kazahmys» osylaisha jyl saiyn aimaqtyń jáne otandyq óndiristiń damýyna ólsheýsiz úles qosyp júrgen metallýrgter men olardyń otbasylaryna shynaiy alǵysyn bildiredi. Biylǵy mereke otbasylyq baǵdarlamamen bastaldy: balalar úshin animatorlar, himiialyq shoý, alyp piniata jáne art-keńistikteri bar oiyn aimaqtary uiymdastyryldy.
Keshki kontserttik baǵdarlamany tanymal telejúrgizýshiler Marat Oralǵazin men Erkebulan Myrzabek ashsa, mýzykalyq sálemdi Timur Teams bi ujymy men oryndaýshy IL'HAN joldady. Al Qazaqstannyń halyq ártisi Bolat Qusaiynov pen ánshi BAYANSULU-dyń jandy daýystaǵy ánderi jinalǵan qaýymǵa erekshe jylýlyq syilady.
Sahnaǵa ańyzǵa ainalǵan «Ialla» toby shyqqanda, alańda naǵyz nostalgiia ornap, eresek býyn hit ánderdi jappai birge shyrqady. Izinshe jastardyń súiiktisi Sadraddin shyǵyp, kópmyńdyq kórermendi bir sátte úlken bi alańyna ainaldyrdy. Festivaldiń eń saltanatty ári qýatty núktesin Madiiar Toiboldynyń jetekshiligimen Almatydan kelgen Ne Prosto Orchestra táýelsiz simfoniialyq orkestri qoidy. Olar álemdik jáne otandyq hitter men tanymal kinotýyndylardyń saýndtrekterin simfoniialyq naqyshta oryndap shyqty.
Grandiozdy Metallurg Fest keshi Jezqazǵan aspanyn nurǵa bólegen ǵajaiyp merekelik otshashýmen aiaqtaldy.
