جەزقازعاندا مەتاللۋرگ كٷنٸن مەرەكەلەۋدٸڭ باستى وقيعاسى — «كازاحمىس» توبىنىڭ مۇرىندىق بولۋىمەن ٶتكەن اۋقىمدى Metallurg Fest فەستيۆالٸ بولدى. بٸر كەشكە قالانىڭ ورتالىق الاڭى اشىق اسپان استىنداعى الىپ دۋمان ايماعىنا اينالىپ, ۇلىتاۋ وبلىسىنىڭ مىڭداعان تۇرعىنى مەن قوناعىنىڭ باسىن قوستى, دەپ حابارلايدى Ult.kz.
بۇل فەستيۆالدٸ ٶتكٸزۋ كومپانييانىڭ يگٸ دەستٷرٸنە اينالعان. «كازاحمىس» وسىلايشا جىل سايىن ايماقتىڭ جەنە وتاندىق ٶندٸرٸستٸڭ دامۋىنا ٶلشەۋسٸز ٷلەس قوسىپ جٷرگەن مەتاللۋرگتەر مەن ولاردىڭ وتباسىلارىنا شىنايى العىسىن بٸلدٸرەدٸ. بيىلعى مەرەكە وتباسىلىق باعدارلامامەن باستالدى: بالالار ٷشٸن انيماتورلار, حيمييالىق شوۋ, الىپ پينياتا جەنە ارت-كەڭٸستٸكتەرٸ بار ويىن ايماقتارى ۇيىمداستىرىلدى.
كەشكٸ كونتسەرتتٸك باعدارلامانى تانىمال تەلەجٷرگٸزۋشٸلەر مارات ورالعازين مەن ەركەبۇلان مىرزابەك اشسا, مۋزىكالىق سەلەمدٸ Timur Teams بي ۇجىمى مەن ورىنداۋشى IL'HAN جولدادى. ال قازاقستاننىڭ حالىق ەرتٸسٸ بولات قۇسايىنوۆ پەن ەنشٸ BAYANSULU-دىڭ جاندى داۋىستاعى ەندەرٸ جينالعان قاۋىمعا ەرەكشە جىلۋلىق سىيلادى.
ساحناعا اڭىزعا اينالعان «ياللا» توبى شىققاندا, الاڭدا ناعىز نوستالگييا ورناپ, ەرەسەك بۋىن حيت ەندەردٸ جاپپاي بٸرگە شىرقادى. ٸزٸنشە جاستاردىڭ سٷيٸكتٸسٸ Sadraddin شىعىپ, كٶپمىڭدىق كٶرەرمەندٸ بٸر سەتتە ٷلكەن بي الاڭىنا اينالدىردى. فەستيۆالدٸڭ ەڭ سالتاناتتى ەرٸ قۋاتتى نٷكتەسٸن مادييار تويبولدىنىڭ جەتەكشٸلٸگٸمەن الماتىدان كەلگەن Ne Prosto Orchestra تەۋەلسٸز سيمفونييالىق وركەسترٸ قويدى. ولار ەلەمدٸك جەنە وتاندىق حيتتەر مەن تانىمال كينوتۋىندىلاردىڭ ساۋندترەكتەرٸن سيمفونييالىق ناقىشتا ورىنداپ شىقتى.
گرانديوزدى Metallurg Fest كەشٸ جەزقازعان اسپانىن نۇرعا بٶلەگەن عاجايىپ مەرەكەلٸك وتشاشۋمەن اياقتالدى.
