«Qazaqmys korporatsiiasy» JShS Basqarma tóraǵasy Rýslan Óskenáli jumys sapary barysynda Quiý-mehanikalyq zaýytta jáne Tájiribelik gidrometallýrgiialyq zaýytta boldy. Jumys sapary aiasynda kásiporyndardy odan ári damytý, óndiristi jańǵyrtý, jumystyń tiimdiligin arttyrý jáne ónerkásiptik qaýipsizdik deńgeiin kúsheitý máseleleri nazarǵa alyndy.
Quiý-mehanikalyq zaýytynda óndiristi tehnologiialyq jańǵyrtýdyń keleshegi qarastyryldy. Kompaniia basshylyǵyna 3D-baspa tehnologiiasyn qoldana otyryp, gazdandyrylatyn úlgiler boiynsha quiýdyń zamanaýi tehnologiiasyn engizý jobasy tanystyryldy. Quny shamamen 3,2 mln AQSh dollaryn quraityn jobany iske asyrý ónim óndirý dáldigin arttyrýǵa, bólshekterdi mehanikalyq óńdeý kólemin qysqartýǵa jáne kásiporynnyń ónimdiligin ulǵaitýǵa múmkindik beredi.
Basqarma tóraǵasynyń tapsyrmasy boiynsha jobanyń tiimdiligi men ózin-ózi aqtaý merzimin baǵalaýdy qamtityn keshendi ekonomikalyq taldaý júrgiziledi.
Kásiporynnyń óz óndirisin damytý jáne importty almastyrý máselelerine de erekshe mán berildi. Qazirgi tańda Korporatsiia quiý jáne mashina jasaý ónimderiniń bir bóligin syrtqy jetkizýshilerden satyp alýda. Quiý-mehanikalyq zaýytynyń óz ónim túrlerin keńeitýge jáne óndiristik qýattyń júktemesin arttyrýǵa áleýeti jetkilikti. Degenmen suranysqa ie ónimderdi joǵary sapamen jáne belgilengen jetkizý merzimderin saqtai otyryp shyǵarý negizgi basymdyq bolyp qala berýde.
Kásiporynnyń turaqty jumysyn qamtamasyz etý maqsatynda zaýyt basshylyǵyna materialdarǵa degen qajettilikti josparlaý júiesin jetildirý tapsyryldy. Al kompaniianyń beiindi qurylymdyq bólimshelerine qysqy kezeńde óndiristiń úzdiksiz jumysyn qamtamasyz etý úshin qajetti shikizat qoryn qalyptastyrý júkteldi.
Tájiribelik gidrometallýrgiialyq zaýytta kásiporyndy odan ári damytýdyń keleshek baǵyttary talqylandy. Qazirgi ýaqytta qoldanystaǵy óndiristik infraqurylym negizinde tehnogendik shikizatty qaita óńdeý, ilespe túrde mys óndirý jáne qosymsha ónim shyǵarý jónindegi jańa tujyrymdama pysyqtalýda. Zerthanalyq zertteý aiaqtalǵannan keiin kásiporyn aýqymdy synaq kezeńine ótip, ónerkásiptikk reglamentti ázirleýge kirisedi.
Jumys sapary barysynda ónerkásiptik qaýipsizdik máselesine erekshe nazar aýdaryldy. Kásiporyn basshylaryna óndiristik táýekeldi azaitý, óndiristik baqylaý júiesin jetildirý jáne barlyq ýchaskelerde qaýipsiz eńbek jaǵdaiyn qamtamasyz etý boiynsha júieli jumysty jalǵastyrý tapsyryldy.
Jumys saparyn qorytyndylai kele, Rýslan Óskenáli Quiý-mehanikalyq jáne Tájiribelik gidrometallýrgiialyq zaýyttary «Qazaqmys» óndiristik kesheniniń mańyzdy quramdas bóligi ekenin atap ótti. Kompaniia atalǵan kásiporyndardy damytýdy tehnologiialyq táýelsizdikti nyǵaitýdyń, óndiris tiimdiligin arttyrýdyń jáne óńirdiń ónerkásiptik áleýetin kúsheitýdiń negizgi baǵyttarynyń biri retinde qarastyrady.
