2026 jylǵy 13 tamyzda Qazaqmystyń Astanadaǵy keńsesinde «Wellbeing 3.0: adam kapitaly – biznes turaqtylyǵynyń qozǵaýshy kúshi» atty forým ótti. Is-sharaǵa taý-ken metallýrgiia, energetika jáne tehnologiia sektorynyń otandyq jáne halyqaralyq jetekshi kompaniialarynyń 80-ge jýyq sarapshysy men ókili qatysty.
Turaqty biznes eń aldymen adamdardan bastalady. Sondyqtan búgingi tańda Wellbeing uǵymy jekelegen HR-baǵdarlamalar aiasynan shyǵyp, kompaniialardyń uzaq merzimdi strategiiasynyń bir bóligine ainalyp otyr. Bul baǵyt kadr daiarlaý men qaýipsizdikti qamtamasyz etýden bastap, qyzmetkerlerdiń quzyretin damytýǵa jáne qolaily jumys ortasyn qalyptastyrýǵa deiingi keń aýqymdy qamtidy.
Korporativtik mádeniet pen wellbeing-tiń eńbek ónimdiligine, qaýipsizdikke jáne biznestiń turaqtylyǵyna tigizetin áseri kezdesýdiń basty taqyryby boldy. Qatysýshylar qyzmetkerlerdi damytý baǵytyndaǵy praktikalyq keister men tsifrlyq sheshimderdi tanystyrdy.
Qazaqmys kadr daiarlaý tájiribesimen bólisti. Bul baǵyt beiindi kolledjder men R&D ortalyǵynan bastap, ónerkásiptiń naqty mindetterine baǵyttalǵan, ikemdi úsh jyldyq bakalavriat baǵdarlamasy bar «Ulytaý ýniversitetine» deiingi júieni qamtidy. ERG kompaniiasy 60 myń qyzmetkerdiń kúndelikti HR suranysyn sheshýge kómektesetin ERGiz AI-kómekshisin tanystyrdy. Al «Qazatomónerkásip» «Densaýlyqty qorǵaý 360°» baǵdarlamasyn, Tele2/Altel kompaniiasy qyzmetkerler men olardyń otbasylaryna arnalǵan Wellbeing-qyzmettiń ekojúiesin usyndy.
Sarapshylar tsifrlyq transformatsiia jáne quzyretterdi damytý máselelerin jeke talqylady. Digital Mining úlgisinde intellektýaldy júie óndiristik úderistiń tiimdiligin 20-40%-ǵa arttyra alatyny aityldy. Osy oraida tsifrlandyrý qyzmetkerlerdi qosymsha oqytýdy jáne jańa daǵdylardy damytýdy talap etetini atap ótildi.
Sondai-aq forýmda 150 myńǵa jýyq qyzmetkerdiń qatysýymen 117 kásiporynda júrgizilgen zertteýdiń nátijesi tanystyryldy. Zertteý qorytyndysyna sáikes, mamandardyń kompaniiada qalýyna tek básekege qabiletti jalaqy ǵana emes, sondai-aq jumys pen jeke ómir arasyndaǵy tepe-teńdik, jumys berýshimen qarym-qatynas jáne ujymdaǵy ahýal tikelei áser etedi.
Forým qazirgi kompaniialar úshin qyzmetkerlerge qamqorlyq jasaý, olardyń quzyretin damytý jáne qaýipsiz jumys ortasyn qalyptastyrý turaqty biznestiń mańyzdy quramdas bóligine ainalǵanyn kórsetti.
